2 Samuel 4:11 - BIBLIA - traduson antigu in Krioulo

¹¹ Ku fadi gora omis malvadu ku mata un omi inosenti riba di si kama na si propi kasa! Nta N ka dibi di torna vingansa na bos pa ki sangi ku bo darma, pa N kaba ku bos na mundu?”

2 Samuel 4:11 ပူးပေါင်းရင်းမြစ်များ

Kumsada 4:11

Gosi abo i maldisuadu, bu serkadu di tera ku yabri si boka pa risibi na bu mon sangi di bu ermon.

Kumsada 6:13

Deus fala Noe: “Ami N na kaba ku tudu jinti, pabia tera inci abusu ku maldadi. N na kaba ku elis tudu ku tera.

Kumsada 7:23

Tudu kriatura bibu ku staba na tera i kabadu ku el; jinti, ku limarias, ku kilis ku ta rasta, ku kacus di seu, e kabadu ku el. Noe fika el son, ku kilis ku staba ku el na barku.

2 Samuel 16:8

SIÑOR na pagau gosi tudu sangi di familia di Saul, kil ku bu na rena na si lugar. SIÑOR ntrega ja bu renansa na mon di bu fiju Absalon; gosi bu sta na disgrasa, pabia abo i omi di sangi.”

2 Samuel 3:27

Oca Abner riba pa Ebron, Joab tomal, i lebal pa un kau na porton, i fasi suma i misti papia ku el na sigridu. La na ki kau i fidil na bariga, i matal, pa i pudi vinga mortu di si ermon Asael.

2 Samuel 3:39

Mesmu ku N sedu rei unjidu, N sinti fraku, pabia e omis, fijus di Zeruia, e sedu duru dimas; N ka pudi ku elis. SIÑOR ta paga algin ku ta fasi mal konformi si maldadi.”

1 Reis 2:32

Asin SIÑOR na vingal di ki sangi, pabia i mata dus omi ku spada, sin kuñisimentu di ña pape Davi. Ki dus, ku sedu Abner, fiju di Ner, kumandanti di tropas di Israel, ku Amasa, fiju di Jeter, kumandanti di tropas di Judá, e seduba omis mas diritu di ki el.

Salmus 109:15

ma ki pekadus, pa e fika sempri dianti di SIÑOR, pa i pudi korta lembransa di ki familia na tera.

Salmus 9:12

Kil ku ta vinga darmamentu di sangi i ta lembra, i ka ta diskisi di gritu di kilis ku foronta.

Saida 21:12

“Kin ku suta un algin, i matal, el tambi i na matadu.

Saida 9:15

N pudiba ja distindi ña mon pa kastigau, tudu ku bu pobu, ku duensa mau ku pudiba kaba ku bo,

Ditus 2:22

ma jinti mau na rinkadu na tera; jinti infiel na kabadu ku el.

Ditus 25:26

Algin justu ku seta planu di un omi mau, i suma yagu ku funguli na fonti, o suma uju di fonti ku tene susidadi.

Jeremias 10:11

Bo fala elis asin: “Deusis ku ka kumpu seu ku tera e na pirdi ne mundu ku sta bas di seu.”

Abakuk 1:12

Nta bu ka sedu Deus disna di kumsada? O SIÑOR, abo i ña Deus, santu, ku ka ta muri. O SIÑOR, ku sedu ña kau suguru, bu pui elis pa e fasi justisa; bu fortifika elis pa e kastiganu.

Abakuk 1:4

Lei pirdi si forsa; justisa nunka ka ta fasidu diritu, pabia omi mau ta ngaña riba di justu; asin justisa ta sai tortu.

1 Jon 3:12

I ka suma Kain ku seduba di ki malvadu, i mata si ermon. Ke ku manda i matal? I pabia i ta fasi kusas mau; si ermon ta fasi kusas bon.