2 Samuel 3:39 - BIBLIA - traduson antigu in Krioulo

³⁹ Mesmu ku N sedu rei unjidu, N sinti fraku, pabia e omis, fijus di Zeruia, e sedu duru dimas; N ka pudi ku elis. SIÑOR ta paga algin ku ta fasi mal konformi si maldadi.”

2 Samuel 3:39 ပူးပေါင်းရင်းမြစ်များ

2 Samuel 16:10

Rei punta: “Abos, fijus di Zeruia, ke ku bo ten la? Bo disal i koban mal. Si i SIÑOR ku falal pa i koba Davi mal, kin ku pudi punta pabia di ke ki na fasi asin?”

2 Samuel 19:13

I manda elis tambi pa e fala Amasa: “Abo i ña ermon di mesmu sangi. Deus ta kastigan ciu si N ka fasiu ŝef di tropas na lugar di Joab, disna di aos pa dianti.”

2 Samuel 19:22

Davi fala: “Abos fijus di Zeruia, ke ku bo ten la pa bo sta kontra ña vontadi aos? Nta algin dibi di matadu aos na Israel? N sibi aos kuma N sedu rei di Israel.”

2 Samuel 3:38

Rei punta si omis: “Bo ka sibi kuma un ŝef garandi muri aos na Israel?

1 Reis 2:32

Asin SIÑOR na vingal di ki sangi, pabia i mata dus omi ku spada, sin kuñisimentu di ña pape Davi. Ki dus, ku sedu Abner, fiju di Ner, kumandanti di tropas di Israel, ku Amasa, fiju di Jeter, kumandanti di tropas di Judá, e seduba omis mas diritu di ki el.

1 Reis 2:9

Ma abo, ka bu tenel pa inosenti; abo i omi jiru, bu na sibi kuma ku bu na fasi ki bejoti pa i pudi matadu.”

1 Kronikas 22:5

Davi ta falaba: “Kasa ku ten ku kumpudu pa SIÑOR i dibi di sedu garandi, spesial, pa i ten fama tok jinti di tudu nasons na ngaba si bonitasku. Ña fiju Salomon i muitu nobu, i ka ten inda spiriensia; i ami propi ku na purpara material.” Asin Davi purpara manga di kusa antis di muri.

1 Kronikas 29:1

Rei Davi fala tudu juntamentu: “Ña fiju Salomon i kil ku Deus kuji, ma i nobu inda, i ka ten spiriensia. E tarbaju i garandi, pabia i ka palasiu pa omi, ma i templu pa SIÑOR Deus.

2 Kronikas 13:7

Utru omis malandru ku ka bali e junta ku el, e lanta kontra Reoboan, fiju di Salomon, ocal nobu, i ka tenba inda spiriensia, nin i ka pudiba risisti kontra elis.

Salmus 101:8

Kada dia parmaña N na kaba ku tudu jinti mau di tera, pa limpa prasa di SIÑOR di tudu kilis ku ta fasi pekadu.

Salmus 28:4

Paga elis konformi se tarbaju, pa se kusas mau ke fasi; da elis konformi kil ke fasi ku se mon; torna elis kil ke mersi.

Salmus 62:12

tambi, bondadi pertensil. Abo, SIÑOR, bu na bin paga kada kin konformi kil ki fasi.

Salmus 7:16

Mal ki fasi na kai riba di si kabesa; si violensia na torna kontra el.

Salmus 75:10

N na kebra tudu forsa di jinti mau, ma forsa di justus na yalsadu.

Saida 21:12

“Kin ku suta un algin, i matal, el tambi i na matadu.

Ditus 20:8

Si un rei sinta na si tronu pa julga, si uju ta nota pa mal, i ta tiral.

Ditus 25:5

Si bu tira konsijaduris mau dianti di rei, si tronu i ta firmantadu ku justisa.

Isaias 3:11

Ai di omi mau! Kusas na kuril mal, pabia i na dadu pagamentu di kusas ki fasi ku si mon propi.

Isaias 7:4

Falal: ‘Toma sintidu, bu keta; ka bu medi, nin ka bu disanima pabia di fugu di raiba di Rezin ku si jinti di Siria, ku fiju di Remalias, pabia e sta suma dus padas di leña ku na fuma.

Jeremias 38:5

Rei Zedekias fala: “I sta na bo mon. Ami N ka pudi fasi nada kontra bos.”

Daniel 6:16

Asin rei da ordi pa tisi Daniel; e botal na koba di lions. Rei fala Daniel: “Bu Deus ku bu ta sirbi sempri, i na librau.”

Numerus 32:23

“Ma si bo ka fasi asin, i ta kontra bo peka kontra SIÑOR. Bo pudi sibi kuma bo pekadu i na oja bos.

Romanus 13:4

El i sta na sirvis di Deus pa ben di bo. Ma si bu fasi mal, bu ten ku medi, pabia i ka ta tisi ki spada amonton. I sta na sirvis di Deus; i vingadur pa kastiga kil ku fasi mal.

2 Timótiu 4:14

Alŝandri, latueru, i fasin muitu mal. Siñor ta pagal suma ki fasi.

Ŝefis 9:57

Tambi tudu mal ku omis di Siken fasi, Deus tornal riba di se kabesa. Maldison di Jotan, fiju di Jerubaal, bin riba delis.