2 Samuel 3:27 - BIBLIA - traduson antigu in Krioulo

²⁷ Oca Abner riba pa Ebron, Joab tomal, i lebal pa un kau na porton, i fasi suma i misti papia ku el na sigridu. La na ki kau i fidil na bariga, i matal, pa i pudi vinga mortu di si ermon Asael.

2 Samuel 3:27 ပူးပေါင်းရင်းမြစ်များ

2 Samuel 13:26

Absalon falal: “Si bu ka na bai, disa ña ermon Amnon bai ku nos.” Rei puntal: “Ke ki na bai ku bo pa el?”

2 Samuel 19:13

I manda elis tambi pa e fala Amasa: “Abo i ña ermon di mesmu sangi. Deus ta kastigan ciu si N ka fasiu ŝef di tropas na lugar di Joab, disna di aos pa dianti.”

2 Samuel 3:26

Joab sai nunde Davi, i manda jinti tras di Abner. E ribantal desdi fonti di Sira, ma Davi ka sibiba nada.

2 Samuel 3:28

Oca Davi obi es, i fala: “Ami ku ña pobu no sta libri di kulpa pa sempri dianti di SIÑOR pa mortu di Abner, fiju di Ner.

2 Samuel 4:1

Oca Isboset, fiju di Saul, obi kuma Abner muri na Ebron, i pirdi animu; tudu Israel panta.

1 Reis 2:32

Asin SIÑOR na vingal di ki sangi, pabia i mata dus omi ku spada, sin kuñisimentu di ña pape Davi. Ki dus, ku sedu Abner, fiju di Ner, kumandanti di tropas di Israel, ku Amasa, fiju di Jeter, kumandanti di tropas di Judá, e seduba omis mas diritu di ki el.

1 Reis 2:5

“Tambi bu sibi kuma ku Joab, fiju di Zeruia, tratan, kuma ki fasi ki dus kumandanti di tropa di Israel, ku sedu Abner, fiju di Ner, ku Amasa, fiju di Jeter. I mata elis, i darma sangi na tempu di pas suma i staba na tempu di gera. Si sintu di otridadi ki mara i noda ku ki sangi, tudu ku sapatu ki kalsa.

Ditus 26:26

Mesmu ki sukundi si odiu, si maldadi na sai dianti di jinti.

Jeremias 41:2

Ismael, fiju di Netanias, ku ki des omi ku staba ku el, e lanta e mata Jedalias, fiju di Aikan, fiju di Safan, ku spada. Asin e mata kil ku rei di Babilonia pui suma gubernadur di tera.

Numerus 35:19

Parenti tokadu di kil ku matadu i ten ku vinga si sangi. Ora ki kontra ku matadur, i ten ku matal.

Numerus 35:20

“Si algin pinca si kumpañer ku odiu, o i pui sintidu pa ferca un kusa kontra el, tok i muri,

Ripitison di Lei 27:24

“Maldisuadu kil ku mata si kumpañer na sigridu.” Tudu pobu na ruspundi e fala: “Amen.”