2 Samuel 24:14 - BIBLIA - traduson antigu in Krioulo

¹⁴ Davi fala Gad: “N foronta dimas! Ma i bon pa no kai na mon di SIÑOR, pabia i ta ten garandi pena di jinti; libran di N kai na mon di omis!”

2 Samuel 24:14 ပူးပေါင်းရင်းမြစ်များ

2 Samuel 9:8

I torna mpina, i puntal: “Kin ki ami, bu servu, pa bu pudi nota pa mi, ku sedu suma un kacur mortu?”

2 Reis 6:15

Manera ku rapas di omi di Deus mandurga, i sai, i oja manga di tropa ku karus ku kabalus taja prasa. I fala: “Ai, ña mestre! Ke ku no na fasi?”

1 Kronikas 21:13

Davi fala Gad: “N foronta dimas! Ma i minjor pa N kai na mon di SIÑOR, pabia i ta ten garandi pena di jinti; libran di N kai na mon di omis!”

Salmus 119:156

O SIÑOR, bu bondadi i garandi; arnoba ña vida konformi bu leis.

Salmus 130:4

Ma purdon sta na bo, pa bu pudi rispitadu.

Salmus 130:7

Israel, pui bu speransa na SIÑOR, pabia SIÑOR ten garandi bondadi, i ta liberta kompletu.

Salmus 145:9

SIÑOR i bon pa tudu jinti; si amor sta riba di tudu ki kumpu.

Salmus 51:1

Ten pena di mi, o Deus, konformi bu bondadi; Suma ku bu amor i garandi, riska ki mal ku N fasi.

Salmus 86:15

Ma abo, SIÑOR, i Deus ku ta sinti pena, ku ta mostra fabur ku pasensa, ku ten garandi bondadi ku bardadi.

Salmus 86:5

SIÑOR, abo i bon, bu sta pruntu pa purda. Bu riku na bondadi pa tudu kilis ku comau.

Ditus 12:10

Un omi justu ta toma konta di si limarias diritu, ma omi mau ta sedu kruel pa di sil.

Isaias 47:6

N tenba raiba kontra ña pobu ku seduba ña yardansa, tok N tratal suma i ka di mi. N ntregal na bu mon, ma abo bu ka mostra pena del; te bejotis, bu karganta kargu pisadu dimas.

Isaias 55:7

Omi malvadu pa i disa si kamiñu ku si mau pensamentus, pa i konverti, i riba pa SIÑOR no Deus ku ta ten pena del, pabia i sta sempri pruntu pa purda.

Jeremias 39:17

ma ami, SIÑOR, N na librau na ki dia; bu ka na ntregadu na mon di kilis ku bu medi.

Miskiñu di Jeremias 3:22

i pabia di miserikordia di SIÑOR ku no ka kabadu ku el; pabia si garandi amor ka ta kaba.

Daniel 9:9

SIÑOR no Deus ta mostra miserikordia, i ta purda, mesmu ku no peka kontra el.

Jonas 4:2

i ora i fala SIÑOR: “O SIÑOR! Nta i ka es ku N falaba kuma i na bin sedu oca ku N staba inda na ña tera? E ku manda N tentaba kuri pa Tarsis, pabia N sibi kuma abo i Deus ku ta ten dur di jinti, ku ta sinti pena, ku ta tarda pa paña raiba, ku ten bondadi garandi, ku ta muda di ideia di fasi mal.

Mikeias 7:18

I ka ten ningin suma bo, o Deus, ku ta purda pekadu, ku ta diskisi di disobdiensia di kilis di bu yardansa ku sobra. O SIÑOR, bu ka ta guarda bu raiba pa sempri, pabia bu ten kontentamentu na bu bondadi.

Mikeias 7:19

Bu na torna ten pena di nos, bu na masa no maldadi, bu na bota tudu no pekadus na fundu di mar.

Zakarias 1:15

ma N ten raiba ciu dimas kontra ki nasons ku sinti fiansadu, pabia ami N tenba un bokadiñu di raiba kontra ña pobu, ma ki nasons e buri elis kastigu.’

Bon Noba di Jesus Kristu ku Jon 12:27

“Gosi ña alma sta ku kasabi dimas. Ke ku N na fala? O nos N na fala: ‘Pape, salban de ora li’? Ma i pa e ora ku N bin mundu.

Filipensis 1:23

Di tudu dus ladu N na jundadu. N ten diseẑu di disa e vida pa N sta ku Kristu, pabia i mas minjor,

1 Samuel 13:6

Oca omis di Israel oja kuma e sta mal (pabia tropas staba pertadu), utrus bai sukundi na kavernas, utrus na matu, utrus na metadi di pedras garandi, na abrigus o na fontis.