2 Samuel 24:13 - BIBLIA - traduson antigu in Krioulo

¹³ Gad bai pa el, i kontal ke ku SIÑOR fala, i puntal: “Bu misti pa tris anu di fomi bin pa bu tera, o pa bu kuri tris mis dianti di inimigus ku na serkau, o pa i ten tris dia di duensa meduñu na bu tera? Pensa diritu, bu jubi kal rasposta ku N na leba pa kil ku mandan.”

2 Samuel 24:13 ပူးပေါင်းရင်းမြစ်များ

2 Samuel 21:1

Na tempu di Davi i tenba fomi ku dura pa tris anu. Davi bai punta SIÑOR; SIÑOR falal: “I pabia di kulpa di sangi ku sta riba di Saul ku si familia, manera ki mata jibeonitas.”

2 Reis 8:1

Eliseu papia ku ki minjer ki lantanda si fiju di mortu, i falal: “Lanta, bu bai ku bu familia, bu bai buska un tera nunde ku bu pudi fika nel, pabia SIÑOR na manda fomi ne tera pa seti anu.”

1 Kronikas 21:12

tris anu di fomi, tris mis di kuri dianti di bu inimigus ku na serkau ku spada, o tris dia di spada di SIÑOR ku sedu duensa meduñu na tera, ora ku anju di SIÑOR na leba mortu pa tudu parti di Israel.’ Jubi kal rasposta ku N na leba pa kil ku mandan.”

Salmus 91:6

nin duensa ku ta laga na sukuru, nin mortundadi ku ta dana di dia wan.

Saida 7:25

Seti dia pasa dipus di SIÑOR dana yagu di riu.

Ezekiel 14:13

“Fiju di omi, si pobu di un tera peka kontra mi, e fasi pekadu garandi, N na distindi ña mon kontra ki tera, N na korta se sustentu di kumida, N na manda fomi pa elis, N na mata omis ku limarias.

Sirmonias 26:20

Bo forsa na gastadu amonton, pabia bo con ka na da si prudutus; arvuris ka na padi se fruta.

Sirmonias 26:25

N na tisi spada riba di bos pa vinga manera ku bo kebra ña kontratu. Ora ku bo junta na bo prasas, N na manda na bo metadi duensa ku ta kamba, pa i mata bos. Bo na ntregadu na mon di inimigus.

Lukas 4:25

“N na konta bos bardadi kuma, i tenba manga di viuva na Israel na tempu di Elias, oca ku seu fica, i ka cubi tris anu ku seis mis; i tenba garandi fomi na tudu tera,

Ripitison di Lei 28:22

SIÑOR na kastigau ku tuberkulosi, febri, incasku, kalur forti, falta di yagu, duensa di plantas ku bulur; es tudu na ŝatiau tok bu pirdi.

Ripitison di Lei 28:25

SIÑOR na da bu inimigus vitoria riba di bo; bu na sai na un kamiñu kontra elis, ma bu na kuri se dianti na seti kamiñu. Tudu renus di mundu na panta si e oja ke ku pasa ku bo.

Ripitison di Lei 28:27

SIÑOR na kastigau ku cagas suma ejipsius ta tene, ku tumoris, sarna ku kosera ku ka pudi kuradu.

Ripitison di Lei 28:35

SIÑOR na kastiga bu juju ku bu perna ku manditas ku ta de dimas, ku ka pudi kuradu; e na sai na bo desdi pata di pe te na kabesa.

Ripitison di Lei 28:52

Na tudu parti di tera e na taja tudu bu prasas, tok ki muras kumpridu, forti, ku bu fiansaba nelis, e kai. Asin e na atakau na tudu prasas di tera ku SIÑOR bu Deus dau.

1 Samuel 25:17

Pensa diritu, bu jubi ke ku bu dibi di fasi, pabia mufunesa garandi ten ku kai riba di no patron ku tudu si familia. El gora i un algin malvadu dimas; ningin ka pudi papia ku el.”