2 Samuel 21:7 - BIBLIA - traduson antigu in Krioulo

⁷ Rei ka ntrega Mefiboset, fiju di Jonatas, fiju di Saul, manera ku el ku Jonatas e jurmentaba pa ŋutru na nomi di SIÑOR,

2 Samuel 21:7 ပူးပေါင်းရင်းမြစ်များ

2 Samuel 16:4

Rei fala Ziba: “Tudu ku seduba di Mefiboset i di bo gosi.” Ziba falal: “Ñu Rei, ali N mpina bu dianti. N misti oja sempri fabur na bu uju.”

2 Samuel 19:25

Oca ki bin di Jerusalen pa bai kontra ku rei, rei puntal: “Mefiboset, pabia di ke ku bu ka baiba ku mi?”

2 Samuel 4:4

Jonatas, fiju di Saul, i teneba un fiju comadu Mefiboset, manku na tudu dus pe. I teneba sinku anu di idadi oca noba di Saul ku Jonatas ciga na Jizreel. Minjer ku ta tomaba konta del i lambul, i kuri. Oca ki na janti pa bai, rapas kapli, i kai, i fika manku.

2 Samuel 9:1

Un dia Davi punta: “Nta i ten inda algin ku sobra di familia di Saul pa N fasil ben pa amor di Jonatas?”

2 Samuel 9:10

Abo ku bu fijus ku bu kriadus bo na tarbaja lugaris, bu na rukuji prudutus, pa familia di bu mestre pudi tene di kume, ma Mefiboset, netu di bu mestre, i na kume sempri na ña mesa.” (Ziba teneba kinzi fiju ku vinti kriadu.)

2 Samuel 9:6

Oca Mefiboset, fiju di Jonatas, fiju di Saul, bin nunde Davi, i mpina si dianti ku rispitu. Davi comal: “Mefiboset!” I kudil i fala: “Ali bu servu li.”

2 Samuel 9:7

Davi falal: “Ka bu ten medu, pabia, di sertesa, N na tratau ku bondadi pa amor di bu pape Jonatas. N na tornau tudu terenus di bu dona Saul; sempri bu na ba ta kume na ña mesa.”

Eklesiastis 8:2

Obdisi ordi di rei, pabia di purmesa ku bu fasi dianti di Deus.

1 Samuel 18:3

Jonatas ku Davi fasi un kontratu, pabia Jonatas amaba Davi suma si kurpu propi.

1 Samuel 20:12

Jonatas fala Davi: “N jurmentau na nomi di SIÑOR Deus di Israel kuma N na punta ña pape ne ora amaña o ermon di amaña. Si i na mostra un bon spiritu pa bo, N na manda kontau pa bu pudi sibi.

1 Samuel 20:15

Tambi bu ka na para mostra bu bondadi pa ña familia pa sempri, mesmu na tempu ku SIÑOR na kaba ku kada un di inimigus di Davi.

1 Samuel 20:17

Asin Jonatas pui Davi konfirma ki juramentu, pabia di si amor, pabia i amalba ku tudu si korson.

1 Samuel 20:42

Jonatas fala Davi: “Bai ku pas. Deus ta judanu kumpri kil ku no jurmenta pa ŋutru na nomi di SIÑOR, oca no fala: ‘SIÑOR na sta na no metadi pa sempri, ku na metadi di no familias.’ ” Davi lanta i bai; Jonatas riba pa prasa.

1 Samuel 20:8

N pidiu pa bu mostra bondadi pa bu servu, pabia bu leban pa N fasi kontratu ku bo dianti di SIÑOR. Si N sedu kulpadu, bu ta matan, abo propi; ka bu ntregan na mon di bu pape.”

1 Samuel 23:18

Elis dus e fasi kontratu dianti di SIÑOR. Davi fika na matu; Jonatas riba pa kasa.

1 Samuel 24:22

Asin Davi jurmenta pa Saul. Saul riba pa si kasa, ma Davi ku si omis bai pa se lugar forti.