2 Samuel 21:16 - BIBLIA - traduson antigu in Krioulo

¹⁶ Isbi-Benob, di jorson di jigantis, ku si kañaku ta pesaba serka di tris kilu i meiu, ku maraba un spada nobu na rabada, i staba kuas pa mata Davi.

2 Samuel 21:16 ပူးပေါင်းရင်းမြစ်များ

Kumsada 14:5

Na anu katorzi, Kedorlaomer ku reis ku staba ku el e bai geria, e ngaña refains na Asterot-Karnain, ku zuzins na Kan, ku emins na Savé-Kiriatain,

Kumsada 6:4

Na ki tempu, ku mas tardi tambi, i tenba jigantis na tera. Oca ku fijus di Deus junta ku fijus femia di omis, e padi fijus. Esis e seduba balentis ki tenba na ki tempu antigu, omis di fama.

2 Samuel 21:18

Dipus di kila i bin ten utru gera kontra filisteus na Gob. Na ki gera un omi di Usa comadu Sibekai i mata Saf, di jorson di jigantis.

2 Samuel 21:20

I fasidu mas utru gera na Gat, nunde ki tenba un omi kumpridu dimas, ku teneba seis dedu na kada mon ku seis na kada pe, ku sedu vinti i kuatru na tudu. El tambi i di jorson di jigantis.

2 Samuel 21:22

Ki kuatru omi e seduba di jorson di jigantis di Gat. Elis tudu e muri na mon di Davi ku si omis.

2 Samuel 5:18

Filisteus ciga, e toma konta di tudu kobon di Refain.

Numerus 13:22

E bai purmeru pa ladu di sul di Kanaan, e ciga na Ebron, nunde ku Aiman, Sesai ku Talmai, fijus di Anak, moraba. (Ebron kumpuduba seti anu antis di Zoan, na Ejitu.)

Numerus 13:28

Ma jinti ku mora na ki tera e ten puder; se prasas garandi, e forti dimas. No oja la tambi fijus di Anak.

Ripitison di Lei 1:28

Gosi, pa nunde ku no na bai? No ermons pui pa no pirdi koraẑen manera ke falanu: ‘Ki pobu i mas forti, i mas altu di ki nos; se prasas garandi, ku muras te na seu! No oja tambi fijus di jigantis la.’ ”

Ripitison di Lei 2:10

(Un pobu comadu emins, elis ku moraba na Ar; e seduba un pobu forti; e ciu ba tambi, e altu suma anakins.

Ripitison di Lei 2:11

Elis e konsideradu refains, suma anakins; moabitas ta coma elis emins.

Ripitison di Lei 2:21

E seduba un pobu forti; e ciu ba tambi, e altu suma anakins. SIÑOR kaba ku elis; fijus di Amon bin toma se tera, e mora la.

Ripitison di Lei 3:11

(Son Og, rei di Basan, ku sobraba inda di jigantis. Si kama di feru, ku teneba 4 metru di kumprimentu ku kuas 2 metru di largura, konformi midida normal, i sta na prasa di Rabá, na tera di amonitas.)

Ripitison di Lei 9:2

Jinti di la e sedu forti, altu, fijus di jigantis; bu sibi aserka delis, bu obi ditu ku fala: “Kin ku pudi firma kontra fijus di jigantis?”

Josué 11:22

Nin un anakin ka sobra na tera di fijus di Israel; e sobra son na Gaza, Gat ku Asdod.

Josué 15:14

Di Ebron Kaleb tira fora tris familia di anakins: Sesai, Aiman ku Talmai, fijus di Anak.

1 Samuel 17:7

Po di si kañaku seduba suma ransi di fisial; feru di kañaku pesaba serka di seti kilu. Un soldadu ta yandaba si dianti ku tajadera.