2 Samuel 18:9 - BIBLIA - traduson antigu in Krioulo

⁹ Utru omis di Davi bai kontra ku Absalon ku na yandaba montadu na un mulu. Oca ki yentra bas di un karvaju garandi ku ciu ramu, kabesa ngata na karvaju; mulu kontinua na yanda pa dianti; Absalon fika pindradu na metadi di seu ku con.

2 Samuel 18:9 ပူးပေါင်းရင်းမြစ်များ

2 Samuel 13:29

Rapasis di Absalon mata Amnon suma ku Absalon da elis ordi. Asin tudu fijus di rei lanta, e bai se kamiñu, kada kin montadu na si buru.

2 Samuel 14:26

I teneba manga di kabelu ku ta fikal pisadu; e ku manda, na fin di kada anu, i ta tiral. Ora ku kabelu tiradu, i ta pesa mas di ki dus kilu, konformi pesu di reis.

2 Samuel 17:23

Oca Aitofel oja kuma jinti ka na sigi si konsiju, i purpara si buru, i lanta, i bai pa si kasa na si propi prasa, i ruma tudu si asuntus ku familia, i bai nforka si kabesa, i muri, i nteradu na koba di si pape.

2 Samuel 18:10

Un omi ku ojal bai konta Joab, i falal: “Ala N oja Absalon pindradu na un karvaju.”

2 Samuel 18:14

Joab falal: “N ka na pirdi tempu ku bo!” I toma tris fleŝa, i fidi Absalon ku elis na ladu di korson, oca ki staba inda bibu na karvaju.

2 Samuel 18:8

pabia gera laga na tudu ladu di ki kau. Kilis ku muri pabia di matu i mas ciu di ki kilis ku spada mata.

Jo 31:3

I ta manda pirdison pa kil ku ta yanda mal; i ta manda kastigu pa kilis ku fasi pekadu.

Ditus 20:20

Kin ku maldisua si pape o si mame, si kanderu na pagadu; i ta fika na sukuru.

Ditus 30:17

Kil ku ta fasi trosa di si pape, o i njuti obdisi si mame, korvus brabu na rinkal uju; fijus di agia na kumel.

Jeremias 48:44

“Kin ku kuri di medu i na kai na koba. Kin ku sai na koba i na prindidu pa armadilia, pabia N na tisi Moab si anu di kastigu.” Asin ku SIÑOR fala.

Mateus 27:5

Judas ferca ki muedas di prata na kasa di Deus, i sai, i bai nforka si kabesa.

Markus 7:10

Moisés fala: ‘Rispita bu pape ku bu mame.’ I fala tambi: ‘Kin ku fala mal kontra si pape o si mame i ten ku matadu.’

Gálatas 3:13

Suma ku Kristu bida maldison pa nos, i kaplintinu di maldison ku lei tisi, pabia i sta skritu kuma, tudu kil ku pindradu na krus di madera i maldisuadu.

Ripitison di Lei 21:23

si kurpu ka pudi durmi la. Bu ten ku nteral na ki mesmu dia, pabia kil ku pindradu na un po i sta bas di maldison di Deus. Asin, ka bu kontamina bu tera ku SIÑOR bu Deus dau pa bu yarda.

Ripitison di Lei 27:16

“Maldisuadu kil ku dispreza si pape o si mame.” Tudu pobu na ruspundi e fala: “Amen.”

Ripitison di Lei 27:20

“Maldisuadu kil ku dita ku minjer di si pape, pabia kila ta tisi borgoña pa si pape.” Tudu pobu na ruspundi e fala: “Amen.”