2 Samuel 16:16 - BIBLIA - traduson antigu in Krioulo

¹⁶ Ki arkita Usai, amigu di Davi, i ciga nunde Absalon, i falal: “Viva Rei! Viva Rei!”

2 Samuel 16:16 ပူးပေါင်းရင်းမြစ်များ

2 Samuel 15:32

Oca ku Davi ciga riba di monti, nunde ku jinti kustuma adora Deus, i oja un omi arkita, Usai, ku bai kontra ku el, ku ropa rumpidu, ku reia na kabesa.

2 Samuel 15:34

Ma bu pudi judan dana konsiju di Aitofel si bu riba pa prasa, bu fala Absalon: ‘Ñu Rei, N na sedu bu servu. Suma ku N seduba servu di bu pape, asin ku N na sedu gosi bu servu.’

2 Samuel 15:37

Asin Usai, amigu di Davi, ciga na prasa di Jerusalen na ora ku Absalon na yentra la.

1 Reis 1:25

Pabia aos i bai mata manga di baka, fijus di baka gurdu ku karnel; i kumbida tudu fijus di rei ku ŝefis di tropa, ku saserdoti Abiatar. Ala e na kume, e na bibi ku el, e na fala: ‘Viva rei Adonias!’

1 Reis 1:34

Saserdoti Zadok ku anunsiadur Natan e ta unjil la pa i sedu rei di Israel. Bo na toka korneta, bo na grita tudu: ‘Viva Rei Salomon!’

1 Reis 4:5

Azarias, fiju di Natan, seduba ŝef di gubernaduris di reẑion. Zabud, fiju di Natan, seduba konsijadur, amigu di rei.

2 Reis 11:12

Jeoiada leba fiju di rei fora, i pul koroa na kabesa, i dal ki libru di lei di SIÑOR; e unjil pa i sedu rei. Pobu toka palmu, e grita: “Viva Rei!”

Daniel 2:4

Astrologus fala rei na lingua aramaiku: “Ñu Rei ta bibu pa sempri! Kontanu bu suñu, no ta splikau el.”

Daniel 5:10

Raiña-mame obi baruju, manera ku rei ku si garandis na papia, i yentra na kasa di festa, i fala: “Ñu Rei ta bibu pa sempri! I ka pirsis pa bu panta, nin pa kor di bu rostu muda.

Daniel 6:21

Daniel kudi i fala rei: “Ñu Rei ta bibu pa sempri!

Daniel 6:6

Asin ki ministrus ku presidentis bai juntu pa rei, e falal: “Ñu Rei Dariu ta bibu pa sempri!

Mateus 21:9

Multidon di jinti ku na baiba dianti, ku kilis ku fika tras, e na grita, e na fala: “Osana pa Fiju di Davi! Kil ku bin na nomi di Siñor i mersi ngabadu. Osana pa Deus na seu!”

1 Samuel 10:24

Samuel punta tudu pobu: “Bo oja omi ku SIÑOR kuji? I ka ten ningin suma el na metadi di tudu pobu.” Tudu jinti kontenti, e grita: “Viva rei!”