2 Samuel 15:3 - BIBLIA - traduson antigu in Krioulo

³ Absalon ta falal: “Jubi, bu ten roson; bu kasu i sertu, ma bu ka tene algin na kau di rei ku na obiu.”

2 Samuel 15:3 ပူးပေါင်းရင်းမြစ်များ

2 Samuel 15:4

I ta fala mas: “Pañan pa N seduba juis ne tera, pa tudu omis ba ta tisi se keŝa o se purblema nunde mi pa N pudi fasi elis justisa.”

2 Samuel 8:15

Asin Davi bin rena riba di tudu Israel, i ta julgaba tudu si pobu ku bon justisa.

Salmus 12:2

Kada kin na fala mintida pa si kumpañer; e na papia palabras bonitu ku korson finjidu.

Saida 20:12

“Rispita bu pape ku bu mame, pa bu pudi tene manga di anu na tera ku SIÑOR bu Deus na dau.

Saida 21:17

“Algin ku maldisua si pape o si mame i ten ku matadu.

Ditus 12:2

Omi bon ta yangasa fabur di SIÑOR, ma SIÑOR ta kondena jinti ku ta fasi planus mau.

Ditus 30:11

I ten jinti ku ta maldisua se pape, e ka ta papia ben di se mame.

Ditus 30:17

Kil ku ta fasi trosa di si pape, o i njuti obdisi si mame, korvus brabu na rinkal uju; fijus di agia na kumel.

Ezekiel 22:7

Dentru di bu mura e njuti papes ku mames, e kalka ospris, tudu ku orfans ku viuvas.

Daniel 11:21

“Kil ku na toma si lugar i na sedu omi ku ka bali, ku ka ten diritu di sedu rei. I na bin ketu na tempu ku jinti ka spera, i na toma renu ku nganu.

Numerus 16:3

E junta kontra Moisés ku Aron, e fala elis: “Bo na pasanta! Tudu e pobu i sagradu, kada un delis! SIÑOR sta na se metadi. Ke ku manda bo na yalsa bo kabesa riba di pobu di SIÑOR?”

Mateus 15:4

Deus fala: ‘Rispita bu pape ku bu mame.’ I fala tambi: ‘Kin ku fala mal di si pape o si mame i ten ku matadu.’

Atus 23:5

Paulu fala: “Ermons, N ka sibiba kuma el i ŝef di saserdotis, pabia i sta skritu: ‘Ka bu fala mal di ŝef di bu pobu.’ ”

1 Pedru 2:17

Bo rispita tudu jinti, bo ama ermons, bo ten medu di Deus, bo rispita rei.

2 Pedru 2:10

Riba di tudu, i na kastiga kilis ku na yanda na susidadi di vontadi di se kurpu, e na njuti otridadi, e sedu kunfiadu, e ta yalsa ombra, e ka medi fala mal di kriaturas ku sta na seu.