2 Samuel 12:20 - BIBLIA - traduson antigu in Krioulo

²⁰ Davi lanta na con, i laba kurpu, i unta azeiti na kabesa, i torkia ropa, i yentra na kasa di SIÑOR, i adoral. Dipus i riba pa kasa, i pidi kumida. E tisil el; i kume.

2 Samuel 12:20 ပူးပေါင်းရင်းမြစ်များ

2 Samuel 12:19

Davi sinti si ŝefis na papia ku fála bas, i diskunfia kuma mininu muri. Asin i punta si ŝefis si mininu muri. E falal: “I muri.”

2 Samuel 12:21

Si ŝefis puntal: “Kuma ke? Bu junjuŋa, bu cora pa mininu ocal bibu inda, ma gosi ki muri, bu lanta bu kume!”

2 Samuel 14:2

I manda tisi un minjer jiru na Tekoa, i falal: “Finji kuma bu sta di lutu, bu bisti ropa pretu; ka bu unta azeiti; bu na fasi suma un minjer ku, disna di manga di tempu, i na cora algin ku muri.

2 Samuel 19:24

Mefiboset, netu di Saul, bai tambi pa bai kontra ku rei; i ka lababa si pe, nin i ka rapa si barba, nin i ka laba si ropa, disna di dia ku rei sai te na dia ki riba ku pas.

2 Samuel 6:17

E leba arka di SIÑOR, e pul na si lugar na tenda ku Davi yarmaba pa el. Davi sakrifika ofertas kemadu ku ofertas di pas dianti di SIÑOR.

2 Samuel 7:18

Rei Davi yentra, i toma si lugar dianti di SIÑOR, i falal: “SIÑOR Deus, ami i kin? Ña familia i ke, manera ku bu tisin te li?

Jo 1:20

Jo lanta, i rumpi si manta, i rapa si kabelu, i mborka na con, i ngaba Deus,

Jo 2:10

Jo ruspundil: “Bu na papia suma dudu! Nta no na risibi ben di Deus, no ka na risibi mal?” Na tudu e kusas Jo ka peka kontra Deus ku si boka.

Salmus 103:1

O ña alma, fala ben di SIÑOR! Tudu ku sta na mi, fala ben di si nomi santu.

Salmus 103:8

SIÑOR ta mostra miserikordia ku bondadi; i ta tarda pa paña raiba, i ten garandi amor.

Salmus 39:9

N fika mudu, N ka na yabri ña boka, pabia i abo ku fasi es.

Salmus 95:6

Bo bin, no mpina no adoral; no finka juju dianti di SIÑOR ku kumpunu,

Ditus 3:7

Ka bu pensa kuma bu sedu jiru. Rispita SIÑOR, bu lunjusi di mal.

Eklesiastis 9:8

Ba ta bisti ropa branku sempri, bu unta bu kabesa ku azeiti.

Mateus 6:17

Ma abo, ora ku bu junjuŋa, laba bu rostu, bu pintia kabelu.

Lukas 7:46

Bu ka untan oliu na kabesa, ma el, i unta ña pe ku purfumu.

Ruti 3:3

Lanta, bu laba kurpu, bu pui purfumu, bu bisti bu minjor ropa, bu bai pa kau di masa. Ma ka bu disal pa i sibi kuma bu sta la tok i kaba kume i bibi.

1 Samuel 15:25

Gosi N na rogau pa bu purdan ña pekadu, bu riba ku mi, pa N pudi adora SIÑOR.”

1 Samuel 15:31

Asin Samuel riba ku el; Saul bai adora SIÑOR.