2 Samuel 1:21 - BIBLIA - traduson antigu in Krioulo

²¹ “Montis di Jilboa, i bon pa bo ka tene nin serenu nin cuba, nin lugaris ku ta pruduzi kusa di kume, pabia i la ku tajaderas di balentis botadu na disprezu; tajadera di Saul, gosi i ka na lampra ku oliu.

2 Samuel 1:21 ပူးပေါင်းရင်းမြစ်များ

1 Kronikas 10:1

Filisteus bin geria kontra Israel; israelitas kuri se dianti; manga delis kai mortu na montañas di Jilboa.

1 Kronikas 10:8

Sol mansi; filisteus sai pa bai tira kusas na kurpus di tropas ku muri, e bai oja kurpu di Saul ku si tris fiju kaidu na montaña di Jilboa.

Kantiga di Salomon 4:4

Bu garganti tene forma bonitu suma pilar di Davi. Mil tajadera ta pindra nel, tajaderas pikininu di omis balenti.

Isaias 21:5

E pui mesa, e distindi tapetis, e na kume, e na bibi. Abos ŝefis, bo lanta, bo purpara tajaderas!

Isaias 5:6

N na tornal suma lala; i ka na podadu nin mondadu, ma pe di fidida na kirsi nel, ku utru plantas ku ta fidi. N na da nuvens ordi pa ka e manda cuba nel.

Ezekiel 31:15

Asin ku SIÑOR Deus fala: “Na dia ki disi pa mundu di mortus, N kubri yagu la bas suma sinal di cur. N para si korentis di yagu. N pui tera di Líbanu fika sukuru pabia del. Tudu arvuris di matu kumsa na seku.

Joel 1:9

Oferta di kumida ku bibida kortadu na kasa di SIÑOR; saserdotis, servus di SIÑOR, e sta tudu tristi.

Joel 2:14

Talves i ta riba, i muda si ideia, i bensua bos ku frutu di kebur, pa bo pudi pursenta oferta di kumida ku bibida pa SIÑOR bo Deus.

Ŝefis 5:23

Anju di SIÑOR fala: “Maldisua Meroz; maldisua ku forsa si moraduris, pabia e ka bin pa juda SIÑOR; e ka bin suma geriaduris pa judal.”

1 Samuel 10:1

Samuel toma un jaru di azeiti, i darmal riba di kabesa di Saul, i beẑal, i falal: “SIÑOR unjiu pa bu sedu rei di si pobu Israel. Bu na rena riba di pobu di SIÑOR, bu na salba elis di puder di se inimigus na roda. Es na sedu sinal pa bo kuma SIÑOR unjiu pa bu sedu rei di si yardansa:

1 Samuel 31:1

Filisteus geria kontra Israel; omis di Israel kuri dianti di filisteus; manga delis muri na montaña di Jilboa.

1 Samuel 31:8

Na utru dia, oca filisteus bin pa bin tira kusas na difuntus, e oja Saul ku si tris fiju ditadu mortu na montaña di Jilboa.