2 Samuel 1:16 - BIBLIA - traduson antigu in Krioulo

¹⁶ Davi falal: “Abo bu ranja mortu pa bu kabesa, pabia i bu boka propi ku kondenau oca bu fala kuma bu mata unjidu di SIÑOR.”

2 Samuel 1:16 ပူးပေါင်းရင်းမြစ်များ

2 Samuel 1:10

“Asin N bai pa el, N matal, pabia N sibiba kuma i ka pudi vivi, manera ki sta mal asin. N toma koroa na si kabesa, ku brasleti na si mon, N tisi elis li pa Ñu.”

2 Samuel 16:8

SIÑOR na pagau gosi tudu sangi di familia di Saul, kil ku bu na rena na si lugar. SIÑOR ntrega ja bu renansa na mon di bu fiju Absalon; gosi bu sta na disgrasa, pabia abo i omi di sangi.”

1 Reis 2:37

Dia ku bu sai bu kamba riusiñu di Sedron, di sertesa bu na muri; kulpa na sedu di bo.”

Jo 15:6

I bu boka ku na kondenau, i ka ami; bu palabras na torna kontra bo.

Ditus 6:2

bu pañadu na ridia di bu propi palabras, ki purmesa ku bu fasi.

Ezekiel 18:13

i ta pista si diñeru pa bin kobra juru, i ta toma pagamentu ciu dimas. Es i pudi bibu? Nau, i ka na bibu! Pabia di tudu ki kusas nujenti ki fasi, i na matadu; kulpa na sedu di sil.

Ezekiel 33:5

I obi toku di korneta ma i ka para sintidu; asin, kulpa ta sedu di sil. Si i paraba sintidu, i na salbaba si vida.

Sirmonias 20:16

Minjer ku ciga pertu di un limaria pa ten relason seksual ku el, bu na matal, tudu ku ki limaria. E ten ku matadu; se sangi na sta riba di se kabesa.

Sirmonias 20:27

“Si un omi o minjer tene spiritu di jambakus, o i sedu algin ku ta konsulta mortus, i ten ku muri. Bo na da elis ku pedras; se sangi na sta riba delis.”

Sirmonias 20:9

“Si un algin maldisua si pape o si mame, i ten ku matadu; suma ki fasi asin, si sangi na sta riba di si kabesa.

Mateus 27:25

Tudu pobu ruspundi, e falal: “Kastigu di si mortu pudi kai riba di nos, ku no fijus!”

Lukas 19:22

Rei falal: ‘Abo i servu mau; N na julgau ku palabra ku bu fala. Suma ku bu sibi kuma ami i omi di korson risu, N ta toma kil ku N ka pui, N ta kebra kil ku N ka sumia,

Atus 18:6

Suma elis e nega, e na kobalba, i sakudi si ropa, i fala elis: “Bo sangi na sta riba di bo kabesa. N sta limpu. Gosi N na bai pa jintius.”

Atus 20:26

E ku manda, dia di aos, N diklara bos kuma, si un di bos pirdi, ami i ka kulpadu,

Romanus 3:19

No sibi kuma tudu ku lei fala, i ta fala pa kilis ku sta bas di lei, pa tudu boka pudi kala; tudu mundu ten ku fika bas di julgamentu di Deus.

Ripitison di Lei 19:10

Separa ki prasas pa ka darmadu sangi di algin ku ka kulpadu na tera ku SIÑOR bu Deus dau pa bu yarda, pa abo propi bu ka bin sedu kulpadu di darma sangi.

Josué 2:19

Si kualker algin sai fora di porta di bu kasa, si i muri, kulpa na sedu di sil; anos no ka na ten kulpa, ma kualker algin ku sta ku bo na kasa, si algin pui mon riba del, kulpa na sedu di nos.

Ŝefis 9:24

Es bin sedu pa ki krimi kontra ki setenta fiju di Jerubaal pudi riba kontra se ermon Abimelek ku mata elis, pa se sangi tambi kai riba di jinti di Siken ku judalba mata si ermons.

1 Samuel 25:39

Oca Davi obi kuma Nabal muri, i fala: “No ngaba SIÑOR, pabia i julga ña kasu kontra Nabal manera ki tratan ku disprezu; i tujin fasi mal, i torna mal di Nabal riba di si propi kabesa.” Dipus Davi manda jinti pa e bai pidi Abigail pa i sedu si minjer.

1 Samuel 26:9

Davi fala Abisai: “Ka bu fasil mal, pabia algin ku distindi mon kontra unjidu di SIÑOR ka pudi fika sin kulpa.