2 Reis 8:9 - BIBLIA - traduson antigu in Krioulo

⁹ Azael toma un pursenti di korenta kamelu kargadu di tudu bon kusas ku pudi ojadu na Damasku, i bai pa Eliseu, i yentra i firma si dianti, i falal: “Bu fiju Ben-Adad, rei di Siria, i mandan pa N puntau si i na san di si duensa.”

2 Reis 8:9 ပူးပေါင်းရင်းမြစ်များ

1 Reis 14:3

Leba des pon, ku bulus, ku un garafa di mel, bu bai pa el; i na kontau ke ku na kontisi ku mininu.”

1 Reis 15:18

Asin Asa toma tudu prata ku uru ku fikaba na kuartus di rikesas di kasa di SIÑOR ku di si kasa, i ntregal na mon di si ŝefis, i manda elis pa Ben-Adad, fiju di Tabrimon, fiju di Ezion, rei di Siria, ku moraba na Damasku. I da elis e rekadu:

1 Reis 19:15

SIÑOR falal: “Bai, bu riba na kamiñu ku bu binba nel, bu bai pa lala di Damasku, bu bai unji Azael pa i sedu rei di Siria.

2 Reis 1:2

Akazias kai na un kuartu altu di si kasa na Samaria, i molosta. I manda jinti, i fala elis: “Bo bai punta Baal-Zebub, deus di Ekron, si kontra N na bin san.”

2 Reis 13:14

Eliseu duensiba un duensa ku bin matal. Jeoás, rei di Israel, i bai pa el, i cora riba del, i fala: “Ña pape! Ña pape! Karus di Israel ku se kabalerus!”

2 Reis 16:7

Akaz manda jinti pa Tiglat-Pileser, rei di Asiria, pa falal: “Ami i bu servu, bu fiju tambi. Bin, bu libran na mon di rei di Siria ku rei di Israel, manera ke lanta kontra mi.”

2 Reis 5:13

Si servus bai pa el, e falal: “Ña pape, si anunsiadur falauba pa bu fasi un kusa mas kansadu, bu ka na fasilba? Ku fadi gora i falau son pa bu murguja, pa bu purifikadu.”

2 Reis 5:5

Rei falal: “Bu pudi bai. N na dau karta pa rei di Israel.” Asin i bai, i leba trinta mil mueda di prata ku seis mil mueda di uru, ku des komple.

2 Reis 6:21

Oca ku rei di Israel oja elis, i punta Eliseu: “Pa N mata elis, ña Pape? Pa N mata elis?”

Eklesiastis 3:6

tempu di buska, tempu di para buska; tempu di rakada, tempu di bota fora;

Filemon 1:14

ma N ka misti obrigau pa bu judan. N misti pa bu fasil na bu libri vontadi. Asin N ka na fasi nada si bu ka konkorda.

1 Samuel 25:8

Punta bu tarbajaduris, e na konfirmau el. Asin N pidiu pa bu ten pasensa, bu mostra fabur pa e rapasis, pabia no bin na dia di festa. Di fabur, bu ta pati bu servus ku bu fiju Davi kualker kusa ku bu tene.’ ”

1 Samuel 9:7

Saul fala si kriadu: “Ma si no bai la, ke ku no na leba pa ki omi? Pon kaba na no sakus; no ka tene nin oferta pa leba pa omi di Deus. O no tene?”