2 Reis 3:4 - BIBLIA - traduson antigu in Krioulo

⁴ Mesa, rei di Moab, i ta kriaba karnel; kada anu i ta pagaba rei di Israel sen mil fiju di karnel, ku lan di sen mil karnel macu.

2 Reis 3:4 ပူးပေါင်းရင်းမြစ်များ

Kumsada 13:2

Abron tornaba ja riku dimas na limaria di kasa, na prata ku uru.

2 Samuel 8:2

Tambi Davi ngaña moabitas, i ditanda elis na con, i midi elis ku korda. Kilis ku dus midida di korda paña, e ta matadu; dipus kilis ku un midida ntidu di korda paña, e ta disadu ku vida. Asin moabitas fika bas di Davi, e ta pagal mpustu.

2 Samuel 8:6

Davi pui kampamentus di tropas na se tera; sirus bin fika bas del, e ta pagal mpustu. SIÑOR ta da Davi vitoria na kualker kau ki bai.

1 Kronikas 18:2

I ngaña tambi moabitas; kilas fika bas del, pa ba ta paga mpustu.

2 Kronikas 26:10

I kumpu tambi toris na lala, i koba manga di fonti, pabia i teneba manga di limaria la na kobons ku utru kampadas di bakia. I teneba labraduris ku tarbajaduris di orta di uva, na montis, ku utru terenu ku ta pruduzi ciu, pabia el i seduba amigu di labur.

Jo 1:3

I teneba seti mil karnel, tris mil kamelu, mil turu ku kiñentus buru. I seduba omi mas riku na ladu di saida di sol, i teneba manga di tarbajadur.

Jo 42:12

SIÑOR bensua ultimu parti di vida di Jo mas di ki purmeru, pabia i bin tene katorzi mil karnel, seis mil kamelu, dus mil turu ku mil buru.

Salmus 60:8

Moab i ña basia di laba; N na bota ña sapatu riba di Edon; N na kontenti ku ña vitoria riba di Filistia.”