2 Reis 14:3 - BIBLIA - traduson antigu in Krioulo

³ I yanda retu dianti di SIÑOR, kontudu i ka seduba suma Davi, si pape di antigu, ma i fasi konformi tudu ku si pape Joás fasiba.

2 Reis 14:3 ပူးပေါင်းရင်းမြစ်များ

1 Reis 11:4

Oca ku Salomon bejuba ja, si minjeris tursil korson pa i bai tras di utru deusis. Asin si korson ka seduba pirfitu pa SIÑOR si Deus suma korson di si pape Davi.

1 Reis 15:11

Asa yanda retu dianti di SIÑOR suma si papa Davi.

1 Reis 15:3

I yanda na tudu pekadus ku si pape fasiba antis del; si korson ka seduba pirfitu dianti di SIÑOR si Deus suma korson di Davi, pape di si dona.

1 Reis 3:3

Salomon amaba SIÑOR, i yanda konformi leis di si pape Davi, ma un kusa son, i ta sakrifikaba, i ta kema nsensu na kaus altu.

2 Reis 12:2

Joás yanda diritu dianti di SIÑOR tudu tempu ku saserdoti Jeoiada na orientalba,

2 Reis 14:2

ku vinti i sinku anu di idadi; i rena vinti i novi anu na Jerusalen. Si mame seduba Jeoadan, di Jerusalen.

2 Reis 14:4

Ki kaus altu ka tiradu; pobu fika e na sakrifika, e na kema nsensu la.

2 Reis 18:3

I yanda diritu dianti di SIÑOR, suma ku si pape Davi fasiba.

2 Reis 22:2

Josias fasi kusa retu dianti di SIÑOR, i yanda na tudu kamiñu di si pape Davi; i ka disvia nin pa direita nin pa skerda.

2 Kronikas 24:17

Dipus ku Jeoiada muri, ŝefis di Judá bin e mpina dianti di rei; rei sukuta elis.

2 Kronikas 24:2

I ta fasiba kil ki diritu dianti di SIÑOR tudu tempu ku saserdoti Jeoiada staba di vida.

Jeremias 16:19

O SIÑOR, ña forsa, ña difesa, ña kau di sukundi na dia di foronta, nasons na bin pa bo di utru ladus di mundu, e na fala: “No papes yardaba son mintida, idulus ku ka bali, ku ka ten purbitu.

1 Pedru 1:18

Bo sibi kuma i ka kusa ku ta dana, suma prata o uru, ku pagadu pa liberta bos di bo manera di yanda ku ka bali, ku bo yarda di bo papes di antigu,