2 Pedru 3:11 - BIBLIA - traduson antigu in Krioulo

¹¹ Suma ku tudu e kusas ten ku pajigadu, kal koldadi jinti ku bo dibi di sedu? Bo dibi di tene vida limpu, son pa Deus,

2 Pedru 3:11 ပူးပေါင်းရင်းမြစ်များ

Salmus 37:14

Jinti mau ta busi spada, e distindi mansasa, pa bati koitadi ku kil ku ten falta, pa mata kilis ku na yanda diritu.

Salmus 50:23

Kil ku ta pursenta sakrifisiu di gardisimentu i ta glorifikan. Kil ku ta yanda diritu na kamiñu, N na mostral ña salbason.”

Salmus 75:3

Mundu ku tudu si moraduris na bulbulidu, ma ami, N na fortifika si firkijas. Sela

Isaias 14:31

O porton, pupa! O prasa, grita! Abo, Filistia, tirmi! Di norti i na bin un fumansa di tropas; ningin ka na sai na fila.

Isaias 24:19

Mundu na kebrantadu tudu, i na rumpidu, i sakudidu ku forsa.

Isaias 34:4

Sol, lua ku strelas na disparsi; seu na roladu suma libru di rolu. Tudu strelas na kai suma ku fojas ta konkoñi di pe di uva, o suma figu ta konkoñi di si pe.

Mateus 8:27

Ki omis dimira, e punta: “Es i kal koldadi omi? Te bentu ku mar ta obdisil!”

Romanus 13:11

Bo fasi asin, suma ku bo sibi tempu ku no sta nel, kuma ora ciga pa no korda di sonu, pabia no libertason sta mas pertu gosi di ki oca no seta Kristu.

Romanus 13:12

Noti pasa ja; dia ciga. No dispi tudu kusas ku ta fasidu na sukuru; no bisti armadura di lus.

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

Filipensis 1:27

Kusa importanti i pa bo manera di vivi sedu dignu di Bon Noba di Kristu, pa nin si N bai jubi bos o nau, N pudi obi kuma bo sta firmi na un sintidu son, bo na geria juntu pa fe di Bon Noba, ku un pensamentu son.

Filipensis 3:20

Ma anos, no prasa i na seu; di la ku no na pera Salbadur, Siñor Jesus Kristu, ku na bin

1 Tesalonisensis 1:5

Oca ku no leba bos Bon Noba, i ka son ku palabra, ma tambi ku puder na Spiritu Santu, ku garandi sertesa. Bo sibi kuma ku no na viviba na bo metadi, pa ben di bos.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

1 Timótiu 4:12

Ka ningin lebsiu suma ku bu nobu inda, ma sedu isemplu pa krentis, na bu palabra, na bu manera, na amor, na fe, na puresa.

1 Timótiu 6:11

Abo, omi di Deus, libra de kusas, bu sigi justisa, un vida suma ku Deus misti, ku fe, amor, firmesa, ku mansesa.

1 Timótiu 6:3

Si algin nsina utru dutrina, i ka seta palabra di bardadi di no Siñor Jesus Kristu, nin nsinamentu di no riliẑion,

1 Timótiu 6:6

Na bardadi, riliẑion i garandi fonti di ngañu, si no ten kontentamentu,

Ebreus 13:5

Bo libra di faimadesa di diñeru. Bo fika kontenti ku kil ku bo tene, pabia Deus fala: “N ka na disau, nin N ka na bandonau.”

Tiagu 1:24

I jubi si kurpu diritu, ma logu i da kosta, i diskisi kuma ki parsi,

Tiagu 3:13

I ten na bo metadi algin jiru o ntindidu? I dibi di mostral ku si bon vida, ku kusas ki ta fasi na mansesa ku bin di jiresa.

1 Pedru 1:15

ma, suma kil ku coma bos i puru, bo sedu tambi puru na tudu ku bo na fasi,

1 Pedru 2:12

Bo yanda diritu na metadi di kilis ku ka kunsi Deus. Asin, ora ke na koba bos mal suma kin ku ta fasi mal, e pudi rapara bon tarbaju ku bo na fasi, e ta ngaba Deus na dia ki na visitanu.

2 Pedru 1:3

Puder di Deus danu tudu ki pirsis pa no tene un vida ku Deus misti, suma ku no kunsi kil ku comanu pa si gloria ku garandesa.

2 Pedru 1:6

Riba di kuñisimentu bo buri puder di manda riba di bo kurpu; riba di manda na bo kurpu bo buri pasensa; riba di pasensa bo buri rispitu pa Deus;

2 Pedru 3:10

Dia di Siñor na bin suma ladron. Na ki dia seu na disparsi ku garandi baruju. Strelas na yardi, e na pajiga. Tera ku tudu kusa ku sta nel i na kemadu.

2 Pedru 3:12

ora ku bo na pera Dia di Deus. Bo ba ta fasi forsa pa ki dia ciga dipresa, ku seus na kema, e na pajiga; strelas na yardi, e na ribi.