2 Pedru 2:6 - BIBLIA - traduson antigu in Krioulo

⁶ I kondena prasas di Sodoma ku Gomora pa stragu kompletu; i bidanta elis sinsa; i fasi elis isemplu pa kilis ku ka ta mporta ku Deus.

2 Pedru 2:6 ပူးပေါင်းရင်းမြစ်များ

Kumsada 19:28

I jubi pa ladu di Sodoma ku Gomora, ku tudu bulañas di ki tera, i oja fumu ku na subi pa riba suma fumu di un furnu.

Isaias 1:9

Si SIÑOR ku ten tudu puder ka disanuba utrus ku sobra ku vida, no na danaduba suma Sodoma ku Gomora.

Isaias 13:19

Babilonia, renu mas bonitu di tudu, gloria ku orgulyu di kaldeus, i na sedu suma Sodoma ku Gomora oca ku Deus kaba ku elis.

Jeremias 50:40

Suma ku Deus kaba ku Sodoma ku Gomora ku se tabankas visiñu, asin ki na fasi ku Babilonia. Ningin ka na torna sinta la mas. I ami, SIÑOR, ku fala.

Oseias 11:8

“Efrain, kuma ku N pudi disau? Israel, kuma ku N na ntregau? Kuma ku N pudi kastigau suma ku N fasi ku Admá? Kuma ku N na fasiu suma Zeboin? Ña korson muda, tudu ña amor sindi suma fugu ku na yardi.

Amos 4:11

I torna fala mas: “N kaba ku utru di bos suma ku N kaba ku Sodoma ku Gomora; bo seduba suma padas di leña ku rabatadu na fugu, ma bo ka riba pa mi.

Sofonias 2:9

Asin, N jurmenta pa ña vida, ami SIÑOR ku ten tudu puder, Deus di Israel, kuma Moab na sedu suma Sodoma; fijus di Amon na sedu suma Gomora. Con na sedu kau di paja brabu ku kobas di sal, un lala pa sempri. Kilis di ña pobu ku sobra e na furta kusas la, e na toma tera.”

Numerus 16:38

suma ke pursentaduba dianti di SIÑOR. Asin i ta toma ki nsensarius di ki omis ku muri pabia di se pekadu, i ta bati elis tok e bida suma fojas finu pa kubri altar. Es i na sedu sinal pa fijus di Israel.”

Numerus 26:10

Con yabri, i nguli elis juntu ku Koré. Ki jinti di Koré e muri oca fugu kaba ku duzentus i sinkuenta omi. E torna suma avisu pa utru jinti,

Mateus 10:15

Na bardadi N na konta bos kuma, na dia di juisu, i na bin ten menus kastigu pa jinti di Sodoma ku Gomora di ki jinti di ki prasa.

Mateus 11:23

Abo Kafarnaun ku mistiba subi te na seu, bu na baŝadu te na nfernu, pabia milagris ku fasidu na bo, si e fasiduba na Sodoma, i ta kontinuaba te aos.

Romanus 9:29

I suma ku Isaias tarda fala: “Si Siñor ku ten tudu puder ka disanuba jorson, no na bidaba suma Sodoma, no na parsiba ku Gomora.”

1 Koríntius 10:11

Tudu ki kusas kontisi pa un sinal, i skirbidu pa avisanu, anos ku na vivi na tempu ku kabantada di tudu sta pertu.

Ripitison di Lei 29:23

Tudu con na kemadu, i kubridu ku sal ku nŝofri; nada ka na sumiadu, nada ka na padi; nin paja ka na kirsi. I na sedu suma con di Sodoma, Gomora, Admá ku Zeboin, ku SIÑOR kaba ku el na si garandi raiba.

Ebreus 4:11

No fasi forsa pa yentra ne lugar di diskansu pa ka ningin sigi isemplu di kilis ku disobdisi.

Judas 1:15

pa julga tudu jinti, pa kondena kilis ku nega Deus pa kusas mau ke fasi sin mporta ku Deus, ku tudu se palabra duru ke fala kontra el.”

Judas 1:7

Bo lembra tambi di Sodoma ku Gomora, ku prasas ku pertu elis. Jinti di la e fasi suma ki anjus, e yanda na vida susu, e torkia usu di seksu, e sufri kastigu di fugu ntidu, pa sedu avisu pa utru jinti.