2 Pedru 1:16 - BIBLIA - traduson antigu in Krioulo

¹⁶ Oca ku no fasi bos sibi puder di no Siñor Jesus Kristu, manera ki bin, no ka konta bos storia ku omi filanta ku jiresa, ma anos propi no oja si garandesa di rei.

2 Pedru 1:16 ပူးပေါင်းရင်းမြစ်များ

Malakias 3:2

Kin ku na pudi nguenta ki dia ki na bin? Kin ku na pudi firma ora ki ciga? I na sedu suma fugu ku ta rifina uru, o suma sabon forti di jinti ku ta laba ropa.

Malakias 4:5

“Jubi, N na manda bos anunsiadur Elias, antis di ki dia garandi di SIÑOR ciga, ku na sedu dia meduñu.

Mateus 16:27

Fiju di omi na bin bin na gloria di si Pape, ku si anjus; i na paga kada kin konformi kusa ki fasi.

Mateus 16:28

Na bardadi N na konta bos kuma, utru di bos ku sta li ka na muri tok e oja Fiju di omi na bin na si renu.”

Mateus 17:1

Dipus di seis dia Jesus coma Pedru, Tiagu ku si ermon Jon, i leba elis aparti pa un monti altu,

Mateus 24:27

pabia, suma ku relampagu ta numia seu na saida di sol te na si kaida, asin ki na sedu ora ku Fiju di omi na bin.

Mateus 24:3

Oca i sinta na monti di Olivera, si disipulus bai pa el aparti, e falal: “Kontanu kal tempu ku e kusas na kontisi. Kal sinal ku na mostra kuma bu na bin, kuma mundu na kaba?”

Mateus 28:18

Jesus ciga pertu, i fala elis: “N dadu tudu puder na seu ku tera.

Markus 13:26

Dipus, jinti na oja Fiju di omi na bin na nuven ku garandi puder ku gloria.

Markus 14:62

Jesus falal: “Na bardadi ami i el. Bo na oja Fiju di omi sintadu na direita di Deus di puder; bo na ojal i na bin na nuven di seu.”

Lukas 1:2

E skirbi ke ku utrus kontanu ku matiba disna di kumsada, ku sedu ja pursoris de palabra.

Lukas 9:43

Tudu elis e fika spantadu ku garandesa di Deus. Nkuantu tudu jinti na dimira di tudu kusa ku Jesus fasi, el i fala si disipulus:

Bon Noba di Jesus Kristu ku Jon 1:14

Kil ki Palabra i bida omi; i mora na no metadi, incidu di grasa ku bardadi. No oja si gloria, ku seduba gloria di ki un Fiju son di si Pape.

Bon Noba di Jesus Kristu ku Jon 17:2

suma ku bu dal puder riba di tudu jinti, pa i pudi da vida ku ka ta kaba pa tudu kilis ku bu ntregal.

Romanus 1:4

ma na ladu di Spiritu di santidadi, manera ki lanta di mortu, i mostradu ku puder kuma el i Fiju di Deus.

1 Koríntius 1:17

Kristu ka mandan pa N batisa; i mandan pa N konta Bon Noba; i ka pa N kontal ku palabra di jiresa umanu, pa N ka lebsi krus di Kristu.

1 Koríntius 1:23

ma anos no ta konta aserka di Kristu krusifikadu, ku sedu ofensa pa judeus, tulesa pa gregus,

1 Koríntius 1:7

Asin bo ka falta nin un puder spiritual nkuantu bo na pera pa no Siñor Jesus Kristu bin.

1 Koríntius 2:1

Ermons, oca ku N bai konta bos aserka di bardadi di Deus, N ka konta bos el ku palabras kansadu, nin ku jiresa de mundu,

1 Koríntius 2:4

Ña manera di fala ku kusa ku N ta konta ka seduba palabra di ngoda na jiresa di jinti, ma ku proba firmi di puder di Spiritu,

1 Koríntius 5:4

Bo ten ku junta na nomi di no Siñor Jesus, ami na ña spiritu juntu ku bos. Na puder di no Siñor Jesus,

2 Koríntius 2:17

No ka sta suma manga di utru jinti ku ta konta palabra son ku interes di ngaña, ma dianti di Deus no ta fala di Kristu na bardadi, suma ku Deus mandanu.

2 Koríntius 4:2

No nega tudu kusa di borgoña ku jinti ta fasi sukundidu. No ka ta yanda na nganu, nin no ka ta tursi palabra di Deus. No misti pa tudu jinti ku bon konsiensia pa e rapara kuma no na yanda na lus klaru di bardadi dianti di Deus.

Efésius 4:14

pa ka no sedu mas mininu ku ta boia na maron, ku ta lebadu na tudu urdumuñu di nsinamentu di omis ku ta ngana jinti ku astusias di tarpasa,

Filipensis 3:21

pa i muda no kurpu koitadi i fraku pa i sedu suma si kurpu gloriosu, ku mesmu puder ki ten di pui tudu kusa fika bas del.

1 Tesalonisensis 2:19

Na fin, kal ki no speransa, o no alegria, o koroa di gloria? Ora ku no Siñor Jesus bin, ku no na firma si dianti, i ka abos

2 Tesalonisensis 2:9

Ki malvadu na bin na puder di Satanas; i na fasi tudu koldadi sinal ku milagri di mintida,

1 Timótiu 1:4

nin pa ka e liga ku storias ku ki listas kumpridu di jinti antigu ku ka ta kaba, pabia i ta tisi son diskutison; i ka ta judanu kunsi planu di Deus ku ta bin di fe.

1 Timótiu 4:7

Libra di storias di mundu suma kilis ku minjeris beju ta konta. Kontinua na bu disiplina di vida spiritual.

Titu 1:14

Ka e fia na storias di judeus, nin mandamentus di jinti ku nega bardadi.

2 Pedru 2:3

Ku vontadi di ngaña diñeru e ta splora bos ku palabra di mintida. Se julgamentu ku markadu disna i ka na tarda. Se pirdison na pera elis ku uju abertu.

1 Jon 4:14

No oja, no konta kuma Deus no Pape manda si Fiju pa i sedu Salbadur di mundu.

Judas 1:14

Enok tambi, ki di seti jorson dipus di Adon, i anunsia aserka de jinti, i fala: “Bo jubi, Siñor na bin ku milyaris di si santus,

Apokalipsi 1:7

Bo jubi, i na bin ku nuvens. Tudu jinti na ojal, te kilis ku furalba kurpu. Tudu rasas na mundu na cora riba del. Asin ki na sedu. Amen.