2 Kronikas 6:18 - BIBLIA - traduson antigu in Krioulo

¹⁸ “Na bardadi, Deus pudi mora ku omis li na tera me? Seu propi, nin ki seu mas altu, i ka ciga pa bu kibi la, ku fadi e kasa ku N kumpu!

2 Kronikas 6:18 ပူးပေါင်းရင်းမြစ်များ

1 Reis 8:27

“Ma na bardadi, Deus pudi mora na tera me? Seu propi, nin si i seu mas altu, i ka ciga pa bu kibi la, ku fadi e kasa ku N kumpu.

2 Kronikas 2:5

Kasa ku N na bai kumpu i na sedu garandi, pabia no Deus i mas garandi di ki kualker utru deus.

2 Kronikas 2:6

Kin ku pudi ten forsa pa kumpu un kasa pa el, suma ki ka ta kibi na seu? Mesmu ki seu mas altu, i ka pudi kibi nel. Ami i kin pa N kumpul un kasa, si i ka son kasa pa kema nsensu si dianti?

2 Kronikas 32:15

Asin, ka bo disa Ezekias konta mintida pa ngana bos, nin ka bo fia nel, pabia nin un deus di kualker nason nin di kualker renu pudiba libra si pobu di ña mon, nin di mon di ña pape. Ku fadi gora bo Deus, i na pudi libra bos di ña mon?”

2 Kronikas 6:17

SIÑOR Deus di Israel, ki palabra ku bu fala bu servu Davi, ña pape, pa i kumpridu.

2 Kronikas 6:19

Ma ami, bu servu, N pidiu pa bu para oreja pa ña orason ku ña pididu. SIÑOR ña Deus, obin manera ku N na comau, N na ora bu dianti.

Jo 4:19

ku fadi kilis ku kumpudu ku lama, se alisersu sta na reia, e ta kebrantadu suma bicu!

Jo 9:14

“Nta ami, kuma ku N pudi ruspundil, o kuji palabras pa diskuti ku el?

Salmus 68:18

Bu subi na kau altu, bu leba manga di katibu ku bo; bu risibi ofertas di omis, mesmu di disobdientis, pa abo, SIÑOR Deus, bu pudi mora la.

Isaias 57:15

Deus altu ku sta riba di tudu, ku tene vida ntidu, ku tene nomi sagradu, asin ki fala: “N mora na un lugar altu, sagradu juntu ku kilis ku ripindi, e baŝa kabesa, pa pudi da elis animu.

Isaias 66:1

Asin ku SIÑOR fala: “Seu i ña tronu, tera i tapeti di ña pe. Kal koldadi kasa ku bo na kumpun? O kal kau ki di ña diskansu?

Jeremias 23:24

Algin pudi sukundi na un kau ku N ka na ojal? Nta ami N ka inci seu ku tera?” Asin ku SIÑOR punta.

Mateus 12:6

N na konta bos kuma, i sta li un algin ku mas ten balur di ki kasa di Deus.

Mateus 7:11

Si abos, ku sedu mau, bo sibi da bo fijus bon kusas, ku fadi bo Pape ku sta na seu ta da bon kusas pa kilis ku pidil!

Atus 17:24

“Deus ku kumpu mundu ku tudu ku sta nel, ku sedu Siñor di seu ku tera, i ka ta mora na kasas ku mon di omi fasi pa el.

2 Koríntius 12:2

N kunsi un omi di Kristu ku ten katorzi anu ki rabatadu pa terseru seu. Si i na kurpu o fora di kurpu N ka sibi, ma Deus sibi.