2 Kronikas 6:16 - BIBLIA - traduson antigu in Krioulo

¹⁶ “Gosi ja, SIÑOR Deus di Israel, kumpri ki utru purmesa ku bu da bu servu Davi, ña pape, oca ku bu falal: ‘Nunka i ka na falta omi di bu jorson pa sinta ña dianti na tronu di Israel, si bu fijus pui sintidu pa yanda ña dianti konformi ña lei, suma ku bu yanda.’

2 Kronikas 6:16 ပူးပေါင်းရင်းမြစ်များ

1 Reis 2:4

Tambi SIÑOR na konfirma si palabra ki dan, oca ki falan: ‘Si bu fijus toma sintidu pa yanda diritu ña dianti ku tudu se korson ku alma, nunka i ka na faltau algin na bu jorson pa sinta na tronu di Israel.’

1 Reis 6:12

“Si bu yanda konformi ña ordis, bu sigi ña leis, bu obdisi tudu ña mandamentus, ami N na fasiu konformi ña palabra ku N fala bu pape Davi;

2 Kronikas 13:5

Nta bo ka sibi kuma SIÑOR Deus di Israel da diritu di renansa riba di Israel pa Davi ku si fijus pa un kontratu di sal pa sempri?

2 Kronikas 21:7

SIÑOR ka mistiba kaba ku renansa di jorson di Davi, pabia di kontratu ki fasiba ku el, oca ki falal kuma sempri i na ten algin di si jorson na renansa suma lus.

2 Kronikas 23:3

Tudu kilis ku junta, e fasi kontratu ku rei na kasa di Deus. Jeoiada fala elis: “Ali fiju di rei! I na bin rena suma ku SIÑOR fala aserka di jorson di Davi.

2 Kronikas 6:17

SIÑOR Deus di Israel, ki palabra ku bu fala bu servu Davi, ña pape, pa i kumpridu.

2 Kronikas 7:17

“Abo, Salomon, si bu yanda ña dianti suma ku bu pape Davi yanda, si bu fasi tudu ku N mandau, bu obdisi ña leis ku regras,

2 Kronikas 7:18

ami N na konfirma tronu di bu renu, konformi kontratu ku N fasi ku bu pape Davi, oca ku N falal: ‘I ka na falta omi di bu jorson pa guberna riba di Israel.’

Salmus 119:1

Sortiadu i kilis ku tene vida retu, ku ta yanda konformi lei di SIÑOR.

Salmus 119:9

Kuma ku un joven pudi guarda si vida puru? I son ora ki na vivi konformi bu palabra.

Salmus 132:11

SIÑOR jurmenta pa Davi ku bardadi, i ka na disvia di ki purmesa. I fala: “N na pui un di bu propi fijus ku bu padi pa i sta na bu tronu.

Salmus 132:12

Si bu fijus guarda ña kontratu ku nsinamentus ku N na da elis, se fijus tambi e na sinta na bu tronu pa sempri.”

Salmus 26:3

pabia bu bondadi sta sempri ña dianti; N ta yanda na bu bardadi.

Ezekiel 36:37

“Asin ku ami, SIÑOR Deus, N fala: Mas un bias N na seta pididu di pobu di Israel. N na fasi es pa elis: N na pui jinti pa e ciu, suma karnel,