2 Kronikas 6:13 - BIBLIA - traduson antigu in Krioulo

¹³ I kumpuba ja palku di kobri, di 2,3 metru kuadradu ku 1,3 metru di altura, i pul na metadi di kintal. I subi na ki palku, i finka juju nunde ku tudu juntamentu pudi ojal, i distindi si dus mon pa seu,

2 Kronikas 6:13 ပူးပေါင်းရင်းမြစ်များ

1 Reis 6:36

I kumpu tambi kintal di dentru ku paredis di tris renku di ladu, di pedras labradu, ku un renku di vigas di sedru.

1 Reis 7:12

Kintal garandi, ku kintal di dentru ku sala di entrada di kasa di SIÑOR, i teneba paredi di tris renku di ladu di pedras labradu, ku un renku di vigas di sedru.

1 Reis 8:54

Dipus di Salomon kaba pidi SIÑOR na orason, ku juju finkadu, ku si dus mon distindidu pa seu, i lanta na kau ki staba nel dianti di altar di SIÑOR.

2 Kronikas 4:9

I kumpu kintal pa saserdotis ku utru kintal garandi, ku portas na metadi delis ku kubridu ku kobri.

2 Kronikas 6:12

Dipus, Salomon bai firma dianti di altar di SIÑOR, dianti di tudu juntamentu di Israel, i distindi si dus mon.

Esdras 9:5

Oca ku ora na ciga pa sakrifisiu di tardi, N lanta di ña kasabi, ku kamisa ku manta rumpidu, N finka juju, N distindi ña mon pa SIÑOR ña Deus,

Neemias 1:4

Oca ku N obi ki kusas, N sinta, N cora. Duranti dias N miskiña, N junjuŋa, N ora dianti di Deus di seu.

Neemias 8:4

Ki pursor di lei, Esdras, sikiduba riba di pulpitu di madera ku kumpuduba son pa ki tarbaju. Na si mon direita i staba Matitias, Sema, Anaias, Urias, Ilkias ku Maaseias; na si mon skerda i staba Pedaias, Misael, Malkias, Asun, Asbadana, Zakarias ku Mesulan.

Salmus 95:6

Bo bin, no mpina no adoral; no finka juju dianti di SIÑOR ku kumpunu,

Saida 9:29

Moisés falal: “Ora ku N sai na prasa, N na yalsa mon pa N roga SIÑOR. Relampagu na para; i ka na ten mas cuba di pedra, pa bu sibi kuma mundu i di SIÑOR.

Daniel 6:10

Oca ku Daniel bin sibi kuma ki lei sinadu, i yentra na si kasa, nunde ki tenba un kuartu ku janelas abertu na ladu di Jerusalen. Tris bias na un dia i ta finkaba juju i ora, i fala si Deus obrigadu, suma ki kustumaba ta fasi.

Lukas 22:41

I lunjusi delis distansia di un tiru di pedra, i finka juju, i ora,

Atus 20:36

Oca ki kaba fala asin, i finka juju ku elis tudu, i ora.

Atus 21:5

Oca ku no pasa ki dias la, no sai, no kontinua no bias. Elis tudu ku minjeris ku se fijus e kumpañanu te fora di prasa. No finka juju na praia, no ora.