2 Kronikas 4:1 - BIBLIA - traduson antigu in Krioulo

¹ Rei Salomon kumpu un altar di kobri di 9 metru di kumprimentu ku di largura, ku 4,5 metru di altura.

2 Kronikas 4:1 ပူးပေါင်းရင်းမြစ်များ

1 Reis 8:22

Dipus, Salomon bai firma dianti di altar di SIÑOR, dianti di tudu juntamentu di Israel, i distindi si dus mon pa seu,

1 Reis 8:64

Na ki dia rei santifika un parti na metadi di kintal dianti di templu. La ki pursenta ofertas kemadu, ofertas di kumida ku gurdura di ofertas di pas, pabia altar di kobri ku staba dianti di santuariu di SIÑOR i perta dimas tok tudu ki ofertas ka pudiba kibi nel.

1 Reis 9:25

Tris bias na kada anu Salomon ta sakrifikaba ofertas kemadu ku ofertas di pas riba di altar ki kumpuba pa SIÑOR. I ta kemaba nsensu riba di ki ofertas, dianti di SIÑOR. Asin i kumpri si dever pa kasa di SIÑOR.

2 Kronikas 1:5

ma altar di kobri ku Bezaleel, fiju di Uri, fiju di Ur, kumpu staba inda la dianti di tenda di SIÑOR na Jibeon. Salomon ku juntamentu di pobu e bai buska SIÑOR la.

2 Kronikas 15:8

Oca ku Asa obi ki rekadu di Deus na boka di Azarias, fiju di Obed, i toma koraẑen, i tira tudu idulus nujenti di tudu tera di Judá ku Benjamin, suma tambi di prasas ki tomaba na montañas di Efrain. I torna kumpu altar di SIÑOR ku staba dianti di baranda di entrada di templu.

2 Kronikas 29:18

E bai nunde rei Ezekias na si kasa, e falal: “No kaba ja purifika tudu kasa di SIÑOR, suma tambi altar di oferta kemadu ku tudu si material, ku mesa pa pon sagradu ku tudu si material.

2 Kronikas 7:7

Salomon santifika un parti na metadi di kintal dianti di kasa di SIÑOR. La ki pursenta ofertas kemadu ku gurdura di ofertas di pas, pabia altar di kobri ku Salomon kumpuba i perta dimas, tok ki ofertas kemadu, ofertas di kumida ku gurdura, ka pudiba kibi nel.

2 Kronikas 8:12

Salomon pursenta ofertas kemadu pa SIÑOR riba di altar ki kumpuba dianti di baranda di entrada di templu.