2 Kronikas 34:3 - BIBLIA - traduson antigu in Krioulo

³ Na oitavu anu di si renansa, ocal inda nobu, i kumsa na buska Deus di si pape Davi. Na anu 12 i kumsa purifika Judá ku Jerusalen; i tira kaus altu, ku idulus di Aserá, ku imaẑens labradu ku kilis di metal fundidu.

2 Kronikas 34:3 ပူးပေါင်းရင်းမြစ်များ

1 Reis 13:2

Konformi ordi di SIÑOR i papia risu kontra ki altar, i fala: “Altar, altar! Asin ku SIÑOR fala: ‘Un fiju comadu Josias na padidu na familia di Davi. I na sakrifika riba di bo ki saserdotis di kaus altu ku ta kema nsensu riba di bo; os di omis na kemadu riba di bo.’ ”

2 Reis 10:27

E kebra tambi statua di Baal, e bati baloba, e bin ta usal pa kuartiñu. Asin ki sedu te aos.

2 Reis 18:4

I tira ki kaus altu, i kebra statuas, i durba idulus di Aserá. I padasa ki kobra di metal ku Moisés kumpuba, pabia, te na ki tempu, fijus di Israel ta kemaba nsensu pa el; e comalba Neustan, ku signifika padas di kobri.

2 Reis 20:5

“Riba, bu fala Ezekias, ŝef di ña pobu, kuma SIÑOR, Deus di si pape Davi, i falal: ‘N obi bu orason, N oja bu larmas. N na kurau; na terseru dia bu na bai pa kasa di SIÑOR.

2 Reis 23:14

I kebra statuas, i tira idulus di Aserá, i inci kau ke staba nel ku os di jinti.

2 Reis 23:4

Rei da ordi pa Ilkias, ŝef di saserdotis, ku si sugundus, ku porterus, pa e tira na templu di SIÑOR tudu kusas ku kumpuduba pa Baal, pa Aserá ku tudu strelas di seu. Rei kema elis fora di Jerusalen, na kobon di Sedron, i leba sinsa pa Betel.

1 Kronikas 22:5

Davi ta falaba: “Kasa ku ten ku kumpudu pa SIÑOR i dibi di sedu garandi, spesial, pa i ten fama tok jinti di tudu nasons na ngaba si bonitasku. Ña fiju Salomon i muitu nobu, i ka ten inda spiriensia; i ami propi ku na purpara material.” Asin Davi purpara manga di kusa antis di muri.

1 Kronikas 28:9

“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.

1 Kronikas 29:1

Rei Davi fala tudu juntamentu: “Ña fiju Salomon i kil ku Deus kuji, ma i nobu inda, i ka ten spiriensia. E tarbaju i garandi, pabia i ka palasiu pa omi, ma i templu pa SIÑOR Deus.

2 Kronikas 14:6

I torna kumpu ki prasas forti di Judá, suma ku tera staba ketu; ningin ka geria kontra el na ki anus, pabia SIÑOR dal diskansu.

2 Kronikas 15:2

I sai pa bai kontra ku Asa, i falal: “Bo sukutan de, Asa ku tudu Judá ku Benjamin. SIÑOR sta ku bos nkuantu bo sta ku el. Si bo buskal, bo na ojal; si bo disal, el i na disa bos.

2 Kronikas 30:14

E lanta e tira altaris ku ojadu na Jerusalen, tambi ku tudu altaris di nsensu, e bota elis na riusiñu di Sedron.

2 Kronikas 33:15

I tira deusis strañu ku ki idulu na kasa di SIÑOR, suma tambi tudu altaris ki kumpuba na monti di kasa di SIÑOR ku Jerusalen; i leba elis fora di prasa, i bota elis.

2 Kronikas 33:17

Inda pobu kontinua na sakrifika limarias na kaus altu, ma i seduba son pa SIÑOR se Deus.

2 Kronikas 33:22

I fasi mal dianti di SIÑOR suma ku si pape Manasés fasiba. pabia i ronia tudu ki imaẑens ku si pape labraba, i sirbi elis.

2 Kronikas 34:33

Josias tira tudu idulus nujenti di tudu tera ku pertensiba fijus di Israel; i pui tudu jinti ku staba na Israel pa e sirbi SIÑOR se Deus. Duranti tudu si vida e ka para yanda ku SIÑOR, Deus di se papes.

Salmus 119:9

Kuma ku un joven pudi guarda si vida puru? I son ora ki na vivi konformi bu palabra.

Salmus 71:5

SIÑOR Deus, abo i ña speransa; bu sedu ña fiansa disna di ocan rapas.

Saida 34:13

Bo na kebra se altaris, bo na dana se statuas, bo na tira idulus di Aserá.

Ditus 20:11

Te mininu ta kunsidu pa kusas ki ta fasi, si ki kusas i bon i retu.

Ditus 8:17

N ama kilis ku aman; kilis ku buskan parmaña sedu e na ojan.

Eklesiastis 12:1

Na dias di bu nobresa, lembra di kil ku kumpou, antis di ki dias mau ciga, ku ki anus ku bu na bin fala: “N ka ten sabi.”

Sirmonias 26:30

N na dana bo altaris na montis, N na kaba ku bo altaris di nsensu, N na bota bo difuntus riba di kurpus di bo idulus ku ka tene vida; N na nfastia bos.

Mikeias 1:5

Tudu es na sedu pabia di krimis di Jakó ku pekadus di pobu di Israel. Kin ki kulpadu pa krimis di Jakó? Nta i ka Samaria? Kin ki kulpadu pa kaus altu di Judá? I ka Jerusalen?

Mateus 6:33

Purmeru kusa, bo buska renu di Deus, bo yanda diritu si dianti; asin, tudu e utru kusas, bo ta bin dadu el.

2 Timótiu 3:15

kuma disna di bu mininesa bu sibi Skritura Sagradu ku pudi fasiu jiru pa salbason pa fe na Kristu Jesus.