2 Kronikas 32:23 - BIBLIA - traduson antigu in Krioulo

²³ Manga di jinti bin pa Jerusalen, e tisi ofertas pa SIÑOR, ku kusas di balur pa Ezekias, rei di Judá. Disna di ki tempu Ezekias ngaña rispitu dianti di uju di tudu nasons.

2 Kronikas 32:23 ပူးပေါင်းရင်းမြစ်များ

1 Reis 10:10

I da rei kuatru tonolada di uru, ku manga di purfumu, ku pedras di balur. Nunka purfumus ka ciga di dadu na ki kuantia suma ku raiña di Sebá da rei Salomon. (

1 Reis 10:25

Tudu jinti ku bin e tisil pursenti — kusas di prata ku di uru, kusas di bisti, material di gera, purfumus, kabalus ku burus. Asin ki fasidu kada anu.

1 Reis 4:21

Salomon na renaba riba di tudu tera desdi riu Eufrates te na tera di filisteus, te na frontera di Ejitu. Elis tudu e ta pagalba mpustu, e fika bas del pa tudu si vida.

2 Reis 19:30

Kilis di Judá ku kapli e fika ku vida, e na torna pui se rais fundu na con, e na padi frutu.

1 Kronikas 29:25

SIÑOR garandisi Salomon na uju di tudu Israel, i dal gloria na si renansa, ku nin utru rei na Israel ka teneba antis del.

2 Kronikas 1:1

Salomon, fiju di rei Davi, i fortifika si renansa; SIÑOR si Deus staba ku el, i garandisil.

2 Kronikas 17:11

Utru filisteus tisi pursentis pa Jeosafá, fora di prata pa paga mpustu. Jinti di Arabia e tisil limarias — 7.700 karnel macu ku 7.700 kabra macu.

2 Kronikas 17:5

SIÑOR konfirma renansa na si mon. Tudu Judá tisi pursentis pa Jeosafá; i bin ten manga di rikesa ku rispitu.

2 Kronikas 9:24

Kada kin ku bin i ta tisilba pursenti — kusas di uru ku di prata, kusas di bisti, material di gera, purfumus, kabalus ku burus. Asin ki ta fasiduba kada anu.

Esdras 7:27

No ngaba SIÑOR Deus di no papes, ku pui na korson di rei pa i judanu faja kasa di SIÑOR na Jerusalen.

Salmus 68:29

Pabia di bu kau sagradu na Jerusalen, reis na tisiu pursentis.

Salmus 72:10

Reis di Spaña ku jius, ku reis di Arabia ku Etiopia, e na tisi pursentis pa dal.

Salmus 76:11

Bo fasi purmesas, bo kumpril pa SIÑOR bo Deus; nasons ku sta na roda pa e tisi pursentis pa kil ke dibi di medi.

Mateus 2:11

E yentra na kasa, e oja mininu ku Maria, si mame; e mpina, e adora Jesus. Dipus e pursenta kusas ke leba pa patil: uru, nsensu ku mira.