2 Kronikas 32:13 - BIBLIA - traduson antigu in Krioulo

¹³ Bo ka sibi nan ke ku no fasi tudu pobu di utru teras, ami ku ña papes? Nta deusis di ki nasons pudiba libra se tera na ña mon?

2 Kronikas 32:13 ပူးပေါင်းရင်းမြစ်များ

2 Reis 15:29

Na tempu di Peka, rei di Israel, Tiglat-Pileser, rei di Asiria, bin, i toma Ijon, Abel-Bet-Maaka, Janoa, Kedes, Azor, Jilead, Galileia ku tudu tera di Naftali; i leba jinti di ki lugaris pa Asiria.

2 Kronikas 32:14

Kal un di tudu deusis di ki nasons ku ña papes kaba ku el ku pudiba libra si pobu di ña mon? Ku fadi gora bo Deus pudi bin libra bos di ña mon?

2 Kronikas 32:19

E papia di Deus di Jerusalen suma e na papia di deusis di rasas di utru teras, ku sedu deusis ku omi kumpu ku mon.

Isaias 10:14

Suma ku algin ta bai pa niñu, i miti mon, i junta ovus ku bandonadu, asin ku ña mon toma rikesas di nasons, N junta tudu teras. I ka ten kin ku yalsa si asa, o ku yabri si boka i papia.’ ”

Jeremias 10:16

Deus di Jakó ka sta suma elis, pabia el i Kumpudur di tudu kusa. Israel sedu jorson di si yardansa. Si nomi i SIÑOR ku ten tudu puder.

Daniel 4:30

i fala: “Jubi e garandi Babilonia! I ami ku kumpul suma residensia pa rei, ku ña forsa ku puder, pa mostra gloria di ña garandesa.”

Daniel 4:37

Gosi ja, ami, Nabukodonosor, N ngaba Rei di seu, N garandisil, N dal gloria, pabia tudu ki fasi i diritu; si kamiñus i justu. I pudi baŝa kilis ku ta yanda na orgulyu.

Daniel 5:19

Pabia di garandesa ku Deus dal, tudu pobu ku nason ku jinti di tudu lingua e sinti medu del tok e ta panta. I ta mata kin ki misti mata, i ta guarda algin ku vida si i misti; i ta pui algin na lugar altu si i misti; i ta baŝa algin si i misti.

Atus 19:26

Bo na oja, bo na obi ke ku ki Paulu na fasi. I fala kuma deusis ku omi kumpu i ka deus di bardadi. Ku e palabra li i konvensi ja manga di jinti, i disvianta elis. I ka son li na Éfesu, ma tambi na kuas tudu Asia.

1 Koríntius 8:4

Kusa di kume karni di ronia, no sibi kuma idulu i ka nada na mundu di bardadi, suma ku bo fala. I ka ten utru deus fora di un son.