2 Kronikas 32:11 - BIBLIA - traduson antigu in Krioulo

¹¹ Ezekias na ngana bos, pa bo muri di fomi ku sedi, manera ki fala bos: ‘SIÑOR no Deus na libranu na mon di rei di Asiria.’

2 Kronikas 32:11 ပူးပေါင်းရင်းမြစ်များ

2 Reis 18:27

Ma Rabsaké punta: “Nta bu pensa kuma ña mestre mandan pa N fala e palabras son pa bo ku bu mestre? I ka mandan tambi pa e omis ku sinta riba di mura, ku na bin kume se propi susidadi, e bibi se misa, suma bos?”

2 Reis 18:30

nin ka bo disal pa i pui bos pa bo fiansa na SIÑOR, manera ki na fala kuma, di sertesa, SIÑOR na libra bos; tambi kuma e prasa ka na ntregadu na mon di rei di Asiria.’

2 Reis 19:10

pa e bai fala Ezekias, rei di Judá: “Ki Deus ku bu fiansa nel i fala kuma Jerusalen ka na ntregadu na mon di rei di Asiria. Ka bu disal pa i nganau!

2 Kronikas 32:10

“Ami, Senakerib, rei di Asiria, N na punta bos: Na ke ku bo fiansa nel, ku manda bo fika na Jerusalen ku no taja ja?

2 Kronikas 32:12

Nta i ka Ezekias propi ku tira altaris di Deus, ku si kaus altu, i manda pobu di Judá ku Jerusalen pa e mpina dianti di un altar son, pa e kema nsensu la?

2 Kronikas 32:15

Asin, ka bo disa Ezekias konta mintida pa ngana bos, nin ka bo fia nel, pabia nin un deus di kualker nason nin di kualker renu pudiba libra si pobu di ña mon, nin di mon di ña pape. Ku fadi gora bo Deus, i na pudi libra bos di ña mon?”

Salmus 22:8

“I fiansa na SIÑOR; pa SIÑOR salbal; pa i libral, suma ki gosta del!”

Salmus 3:2

Manga delis na papia aserka di mi, e fala: “Deus ka na salbal.” Sela

Salmus 42:10

Palabras mau di ña inimigus ta den suma caga na os; e ta puntan tudu ora: “Nunde ku bu Deus sta nel?”

Salmus 71:11

E ta fala: “Deus bandonal; bo serkal, bo pañal, pabia i ka ten kin ku na libral.”

Isaias 36:12

Rabsaké ruspundi i fala: “Nta ña mestre mandan pa N fala e palabras son pa bo ku bu mestre? I ka mandan tambi pa e omis ku sinta riba di mura ku na bin kume se propi susidadi, e bibi se misa, suma bos?”

Isaias 36:18

“‘Ka bo disa Ezekias ngana bos, i fala kuma SIÑOR na libra bos. Nta deusis di utru nasons libra se tera na mon di rei di Asiria?

Mateus 27:43

I fiansa na Deus; pa kila libral gosi, si i ten amor pa el, pabia i fala kuma el i Fiju di Deus.”