2 Kronikas 26:7 - BIBLIA - traduson antigu in Krioulo

⁷ Deus judal kontra filisteus, kontra jinti di Arabia ku moraba na Gur-Baal, tambi kontra meunitas.

2 Kronikas 26:7 ပူးပေါင်းရင်းမြစ်များ

1 Kronikas 12:18

Spiritu yentra na Amasai, kil ku, mas tardi, bin sedu ŝef di ki trinta, i fala: “O Davi, no sedu di bo! O fiju di Jesé, no sta ku bo! Pas, pas ta sta ku bo! Pas ta sta ku kil ku na judau! Bu Deus i bu Judadur.” Asin Davi risibi elis, i fasi elis kapitons di tropas.

1 Kronikas 4:41

Na tempu di Ezekias, rei di Judá, e jinti ku se nomis skirbidu ja e ataka moradias di jinti ke ojaba la na ki kau, e kaba ku elis tudu, suma ku no pudi oja aos; e rabida e mora na se lugar, pabia i ten paja bonitu la pa se karnel.

1 Kronikas 5:20

E coma Deus na gera, e fiansa nel; Deus obi elis, i juda elis pa e ngaña vitoria riba di agarenus ku tudu ki jinti ku juntaba ku elis.

1 Kronikas 5:22

Manga di jinti matadu, pabia ki gera i seduba di Deus. E bai mora na se tera te na dia ke lebadu katibu.

2 Kronikas 14:10

Asa sai pa el, i toma pusison di gera na kobon di Zefatá, lungu di Maresa.

2 Kronikas 14:11

Asa klama pa SIÑOR si Deus, i fala: “O SIÑOR, juda i ka nada pa bo; bu pudi juda kil ku ten forsa suma kil ku ka ten. O SIÑOR no Deus, judanu, pabia no fiansa na bo; i na bu nomi ku no bin kontra e manga di jinti. SIÑOR, abo i no Deus; ka bu disa omi pa i ngañau.”

2 Kronikas 17:11

Utru filisteus tisi pursentis pa Jeosafá, fora di prata pa paga mpustu. Jinti di Arabia e tisil limarias — 7.700 karnel macu ku 7.700 kabra macu.

2 Kronikas 20:1

Dipus di kila, tropas di Moab ku di Amon, ku jinti di utru tera, e bin geria kontra Jeosafá.

2 Kronikas 21:16

I tenba utru filisteus ku jinti di Arabia ku moraba pertu di kau nunde ku jinti di Etiopia moraba. SIÑOR cuci elis kontra Jeoran.

2 Kronikas 25:8

Si bu pensa kuma bu na sedu mas forti pa gera, Deus na fasiu pa bu kai dianti di bu inimigu, pabia i Deus ku ten puder pa juda, tambi i ten puder pa fasi algin kai.”

Salmus 18:29

Ku bu ajuda, N fura na metadi di tropas; ku ña Deus N pudi salta riba di mura.

Isaias 14:29

Abos, tudu jinti di Filistia, ka bo kontenti manera ku po ku suta bos i kebra, pabia, di rais di kobra i na sai kobra tutu; si frutu na sedu kobra venenosu ku ta buanta kabesa.

Atus 26:22

ma Deus judan sempri; e ku manda te gosi N sta bibu, N na da tustumuñu pa jinti garandi tudu ku koitadis. N ka na fala nada, son ke ku anunsiaduris ku Moisés fala kuma i ten ku sedu,