2 Kronikas 24:12 - BIBLIA - traduson antigu in Krioulo

¹² Rei ku Jeoiada e ta ntregaba ki diñeru na mon di nkargadus di obra. Kilas ta ranja pedrerus, karpinterus, fererus ku ta tarbaja na feru ku kilis ku ta tarbaja na kobri, pa konserta kasa di SIÑOR.

2 Kronikas 24:12 ပူးပေါင်းရင်းမြစ်များ

2 Samuel 5:11

Iron, rei di Tiru, manda jinti pa e bai kombersa ku Davi; i mandal madera di sedru, karpinterus ku pedrerus ku bin kumpu kasa pa Davi.

1 Reis 5:15

Salomon ranja tambi 70.000 omi ku ta leba kargu, ku 80.000 ku ta korta pedra na montañas,

2 Kronikas 24:11

Ora ku levitas oja kuma diñeru ciu ja, e ta lebaba ki mala pa funsionariu di rei. Sekretariu di rei ta bin, ku sugundu ŝef di saserdotis; e ta tira tudu diñeru, e ta torna ki mala na si lugar. Asin ke ta fasi kada dia; e junta manga di diñeru.

2 Kronikas 24:13

Ki nkargadus di obra e pegaba tesu, e pui tarbaju di reparason bai dianti. E torna kasa di Deus nobu, suma ki staba na kumsada; e tornal firmi i suguru.

2 Kronikas 24:27

Apontamentus di Libru di Reis i tene storia di si fijus, ku anunsius ku dadu kontra el, ku relatoriu di reparason ki fasi di kasa di Deus. Si fiju Amazias toma si lugar na renansa.

2 Kronikas 34:8

Na anu 18 di si renansa, oca ki purifikaba ja tera ku templu, i manda Safan, fiju di Azalias, ku Maaseias, gubernadur di prasa, ku Joá, fiju di Joakaz, ku ta skirbiba storia di renu, pa e bai fasi reparason di kasa di SIÑOR si Deus.