2 Kronikas 23:7 - BIBLIA - traduson antigu in Krioulo

⁷ Levitas na fika na roda di rei, kada kin ku si material di gera na mon. Kualker algin ku bin pa yentra na kasa i ten ku matadu, ma abos, bo na kumpaña rei, ora ki na yentra ku ora ki na sai.”

2 Kronikas 23:7 ပူးပေါင်းရင်းမြစ်များ

2 Kronikas 23:6

Ningin ka pudi yentra na kasa di SIÑOR si i ka son saserdotis ku levitas ku sta na sirvis; elis e pudi yentra, pabia e sta konsagradu, ma tudu pobu ten ku obdisi ordi di SIÑOR pa fika fora.

2 Kronikas 23:8

Levitas ku tudu omis di Judá e fasi tudu suma ku saserdoti Jeoiada da ordi. Kada kin toma si omis, kilis ku na yentraba na sirvis na dia di diskansu, suma tambi kilis ku na sai, pabia saserdoti Jeoiada ka largaba grupus ku na saiba di sirvis.

Saida 21:14

ma si algin pui sintidu pa ngana si kumpañer, i matal, nin si i kuri pa ña altar, i na tiradu nel pa i matadu.

Numerus 3:10

ma bu na pui Aron ku si fijus pa e fasi sirvis di saserdoti. Utru algin ku ciga pa fasi ki sirvis ten ku matadu.”

Numerus 3:38

Moisés ku Aron ku se fijus tenba ku pui se tendas dianti di tabernakulu na ladu di saida di sol. E staba nkargadu pa toma konta di santuariu, na konta di fijus di Israel. Kualker utru algin ku ciga pertu di santuariu ten ku matadu.