2 Kronikas 23:3 - BIBLIA - traduson antigu in Krioulo

³ Tudu kilis ku junta, e fasi kontratu ku rei na kasa di Deus. Jeoiada fala elis: “Ali fiju di rei! I na bin rena suma ku SIÑOR fala aserka di jorson di Davi.

2 Kronikas 23:3 ပူးပေါင်းရင်းမြစ်များ

2 Samuel 5:3

Asin tudu garandis di Israel bai pa rei Davi na Ebron; rei fasi kontratu ku elis la, dianti di SIÑOR; e unji Davi suma rei riba di Israel.

2 Samuel 7:12

“‘Ora ku bu vida kaba, bu muri, bu diskansa ku bu papes, N na lantanda un di bu familia, ku sedu bu fiju propi, pa i toma bu lugar; N na firmanta si renansa.

2 Samuel 7:16

Bu familia ku bu renansa na sta sempri ña dianti; bu tronu na konfirmadu pa sempri.’ ”

1 Reis 2:4

Tambi SIÑOR na konfirma si palabra ki dan, oca ki falan: ‘Si bu fijus toma sintidu pa yanda diritu ña dianti ku tudu se korson ku alma, nunka i ka na faltau algin na bu jorson pa sinta na tronu di Israel.’

1 Reis 9:5

ami N na konfirmau na tronu di renu di Israel pa sempri, suma ku N fala bu pape Davi kuma nunka i ka na faltal omi di si jorson na tronu di Israel.

2 Reis 11:17

Jeoiada pui rei ku pobu pa e yentra na kontratu ku SIÑOR, pa e sedu pobu di SIÑOR. I fasi kontratu tambi entri rei ku pobu.

1 Kronikas 11:3

Oca ku tudu garandis di Israel bin pa rei Davi na Ebron, i fasi kontratu ku elis la, dianti di SIÑOR. E unjil pa i sedu rei riba di Israel, suma ku SIÑOR falaba ja na boka di Samuel.

2 Kronikas 21:7

SIÑOR ka mistiba kaba ku renansa di jorson di Davi, pabia di kontratu ki fasiba ku el, oca ki falal kuma sempri i na ten algin di si jorson na renansa suma lus.

2 Kronikas 23:16

Jeoiada firmanta kontratu entri el ku pobu ku rei di kuma e na sedu pobu di SIÑOR.

2 Kronikas 6:16

“Gosi ja, SIÑOR Deus di Israel, kumpri ki utru purmesa ku bu da bu servu Davi, ña pape, oca ku bu falal: ‘Nunka i ka na falta omi di bu jorson pa sinta ña dianti na tronu di Israel, si bu fijus pui sintidu pa yanda ña dianti konformi ña lei, suma ku bu yanda.’

2 Kronikas 7:18

ami N na konfirma tronu di bu renu, konformi kontratu ku N fasi ku bu pape Davi, oca ku N falal: ‘I ka na falta omi di bu jorson pa guberna riba di Israel.’

Salmus 89:29

Sempri i na ten algin di si jorson ku na sedu rei; si renansa na tarda suma ku seu na tarda.

Salmus 89:36

kuma si jorson na tarda pa sempri, si renansa na kontinua ña dianti suma sol;