2 Kronikas 20:6 - BIBLIA - traduson antigu in Krioulo

⁶ i fala: “O SIÑOR, Deus di no papes, nta i ka abo ku sedu Deus na seu? I abo ku ta domina riba di tudu renus ku rasas. Forsa ku puder sta na bu mon; i ka ten kin ku pudi risisti kontra bo.

2 Kronikas 20:6 ပူးပေါင်းရင်းမြစ်များ

1 Reis 8:23

i fala: “SIÑOR Deus di Israel, i ka ten utru Deus suma bo, la na seu nin li na tera. Bu ta sedu fiel na bu kontratu, bu kontinua mostra amor pa bu servus ku ta yanda bu dianti ku tudu se korson.

1 Reis 8:30

Obi ña orason, ku orason di bu pobu Israel ora ke vira rostu pa e lugar, e ora. La na seu nunde ku bu mora, obinu, bu purdanu.

1 Kronikas 29:18

SIÑOR Deus di no papes Abraon, Isak ku Israel, guarda e bon diseẑu na korson di bu pobu pa sempri, bu gia se korson son pa bo.

2 Kronikas 20:5

Elis, ku jinti di Jerusalen, e junta na kintal nobu di kasa di SIÑOR. Jeosafá bai i firma se dianti,

2 Kronikas 25:8

Si bu pensa kuma bu na sedu mas forti pa gera, Deus na fasiu pa bu kai dianti di bu inimigu, pabia i Deus ku ten puder pa juda, tambi i ten puder pa fasi algin kai.”

2 Kronikas 5:14

Saserdotis ka pudiba ja firma pa fasi se sirvis pabia di ki nuven, pabia gloria di SIÑOR inci kasa di Deus.

2 Kronikas 6:14

i fala: “O SIÑOR, Deus di Israel, i ka ten utru Deus suma bo, la na seu nin li na tera. Bu ta sedu fiel pa bu kontratu, bu kontinua mostra amor pa bu servus ku ta yanda bu dianti ku tudu se korson.

Jo 9:4

Si jiresa i fundu, si puder i garandi. Kin ku ciga di purfia ku el, i kapli kastigu?

Salmus 115:3

No Deus sta na seu; i ta fasi tudu suma ki misti,

Salmus 46:11

SIÑOR ku ten tudu puder sta ku nos; Deus di Jakó i no kau di suguransa. Sela

Salmus 47:2

SIÑOR ku sta riba di tudu i meduñu, i sedu garandi Rei riba di tudu mundu.

Salmus 47:8

Deus sinta na si tronu sagradu, i na rena riba di nasons.

Salmus 54:1

O Deus, salban pabia di bu nomi; fasin justisa pa bu puder.

Salmus 62:11

Deus papia un bias; ami N obi dus kusa: kuma puder pertensi Deus;

Saida 3:6

I falal mas: “Ami N sedu Deus di bu pape, Deus di Abraon, Deus di Isak, Deus di Jakó.” Moisés kubri si rostu pabia i tenba medu pa oja ku Deus.

Isaias 14:27

SIÑOR ku ten tudu puder i fasi si planu; kin ku pudi tujil? Si mon sta distindidu; kin ku pudi ribantal pa tras?

Isaias 66:1

Asin ku SIÑOR fala: “Seu i ña tronu, tera i tapeti di ña pe. Kal koldadi kasa ku bo na kumpun? O kal kau ki di ña diskansu?

Jeremias 49:19

“Suma ku lion ta sai na matu ficadu di Jordon, i bai kontra karnel na kau di paja bonitu, asin ku N na serka Edon di repenti. Kin ku N na kuji pa pui suma rei riba del? Kin ku parsi ku mi? Kin ku na disafian? Kin ki bakiadur ku pudi firma ña dianti?

Daniel 4:17

“‘I anjus ku na anunsia e disison; santus ku na da e ordi, pa jinti bibu e pudi sibi kuma Deus ku sta riba di tudu i ta manda riba di renus di mundu, i ta da elis pa kin ki misti, nin ki omi mas umildi di tudu ki pui riba delis.’

Daniel 4:25

Bu na serkadu na metadi di jinti, bu na mora juntu ku limarias na matu, bu na kume paja suma baka; serenu di seu na kai riba di bo. Seti tempu na pasa riba di bo tok bu rikuñisi kuma Deus ku sta riba di tudu i ta manda riba di renus di mundu, i ta dal pa kin ki misti.

Mateus 6:13

Ka bu lebanu pa tentason, ma libranu di ki algin malvadu. [Pabia renu i di bo, ku puder ku gloria pa sempri. Amen.]’

Mateus 6:9

E ku manda bo dibi di ora asin: ‘No Pape ku sta na seu, no misti pa bu nomi rispitadu,

Atus 11:17

Asin, si Deus da elis mesmu don ki danu tambi, anos ku seta Siñor Jesus Kristu, ami i kin pa purfia ku Deus?”

Romanus 9:19

Bu pudi puntan: “Ke ku manda Deus na oja inda kulpa na omi? Kin ku pudi nega si vontadi?”

Ripitison di Lei 4:39

Asin bu dibi di ntindi aos, bu guarda na korson, kuma SIÑOR, el son ki Deus la riba na seu suma li na tera; i ka ten utru.

Josué 2:11

Oca no obi es, no korson kai. Koraẑen ka ten mas na nos manera ku bo na bin, pabia SIÑOR bo Deus i Deus la riba na seu, tambi li bas na tera.