2 Kronikas 17:6 - BIBLIA - traduson antigu in Krioulo

⁶ I ntrega si korson pa yanda na kamiñus di SIÑOR, i dana ki kaus altu na Judá, ku ki idulus di Aserá.

2 Kronikas 17:6 ပူးပေါင်းရင်းမြစ်များ

1 Reis 22:43

I yanda na tudu kamiñus di si pape Asa, i ka disvia delis; i fasi kusas retu dianti di SIÑOR, ma ki kaus altu ka tiradu; pobu kontinua na sakrifika la, e na kema nsensu.

2 Kronikas 14:2

Asa fasi kil ki bon i retu dianti di SIÑOR si Deus,

2 Kronikas 14:3

pabia i tira altaris di deusis di utru teras, ku kaus altu; i kebra kulunas sagradu, i dana idulus di Aserá.

2 Kronikas 15:17

Mesmu ki ka dana ki kaus altu di Israel, ma, duranti tudu si vida, si korson staba pirfitu.

2 Kronikas 19:3

ma i ten utru kusas bon na bo, pabia bu tira ki idulus di Aserá na tera, bu pui bu korson pa buska Deus.”

2 Kronikas 20:33

ma ki kaus altu ka tiradu, pabia pobu ka purparaba inda se korson pa sirbi Deus di se papes.

2 Kronikas 31:1

Oca ku tudu kaba ja, israelitas ku staba la e sai pa prasas di Judá, e kebra kulunas sagradu, e tira idulus di Aserá, e bati kaus altu ku altaris na tudu tera di Judá ku Benjamin, suma tambi na tera di Efrain ku Manasés; e dana ki kusas tudu. Dipus, tudu fijus di Israel riba pa se prasas, kada kin pa si kau.

Jo 22:26

Bu na sta kontenti ku Deus ku ten tudu puder, bu na yalsa rostu pa el,

Salmus 119:1

Sortiadu i kilis ku tene vida retu, ku ta yanda konformi lei di SIÑOR.

Salmus 138:5

E na kanta di kusas ku SIÑOR ta fasi; pabia gloria di SIÑOR i garandi.

Saida 34:13

Bo na kebra se altaris, bo na dana se statuas, bo na tira idulus di Aserá.

Oseias 14:9

Kin ki jiru? I na sibi kuma e kusas i sertu. Kin ku ten ntindimentu? I na ntindi elis. Kamiñus di SIÑOR i retu; jinti justu na yanda nelis, ma kilis ku ta kebra lei e na kai na ki kamiñus.

Atus 13:10

“Abo, fiju di diabu, incidu di tudu nganu ku tudu maldadi, inimigu di tudu ki bon, kal tempu ku bu na para dana kamiñu retu di Siñor?

Ripitison di Lei 28:47

Suma ku bu ka sirbi SIÑOR bu Deus ku kontentamentu, ku bon vontadi, oca ku bu teneba ciu rikesa,