2 Kronikas 15:7 - BIBLIA - traduson antigu in Krioulo

⁷ ma abos, bo sedu forti; ka bo fraksi bo mon, pabia bo tarbaju i na tene pagamentu.”

2 Kronikas 15:7 ပူးပေါင်းရင်းမြစ်များ

Kumsada 15:1

Dipus de kusas tudu pasa, SIÑOR bin papia ku Abron na vison, i falal: “Abron, ka bu ten medu. Ami i bu tajadera; N sedu bu garandi premiu.”

1 Kronikas 28:20

Davi fala si fiju Salomon: “Sedu forti, bu ten koraẑen, bu fasi tarbaju. Ka bu medi, nin ka bu disanima, pabia SIÑOR Deus, ña Deus, i sta ku bo. I ka na disau, nin i ka na bandonau, tok bu kaba tudu tarbaju pa sirvis di kasa di SIÑOR.

2 Kronikas 19:11

Amarias, ŝef di saserdotis, i na ten otridadi riba di bos na tudu kasu riliẑiosu; Zebadias, fiju di Ismael, ŝef di jorson di Judá, i na ten otridadi na tudu kasu sivil. Levitas e sedu bo polisia. Bo sedu forti, bo fasi e tarbaju; SIÑOR ta sta na ladu di kilis ki bon.”

2 Kronikas 32:7

“Bo sedu forti, bo ten koraẑen; ka bo medi nin ka bo panta pabia di rei di Asiria, nin pabia di ki manga di jinti ku sta ku el, pabia puder ku sta ku nos i mas di selis.

Salmus 19:11

E ta da avisu pa mi, bu servu; kil ku ta obdisi elis i ten garandi purbitu.

Salmus 27:14

Pera na SIÑOR, bu ten koraẑen, bu fortifika bu korson. Pera na SIÑOR.

Salmus 58:11

Jinti na fala: “Na bardadi, justu ten si pagamentu; sin duvida i ten un Deus ku ta julga mundu.”

Jeremias 31:16

Asin ku SIÑOR fala: “Para cora, limpa larma na uju, pabia bu na tene pagamentu pa bu tarbaju. Ami, SIÑOR, N fala kuma e na riba di tera di inimigu.

Daniel 10:19

I falan: “Omi ku Deus ama ciu, ka bu medi. Pas na sta ku bo. Koraẑen! Koraẑen!” Dipus ki papia ku mi, N sinti forsa, N falal: “Papia, Siñor, pabia bu dan forsa.”

Zakarias 8:9

Asin ku SIÑOR ku ten tudu puder fala: “Abos tudu ku obi palabras ne dias na boka di anunsiaduris ku matiba na tempu ki pudu alisersu di kasa di SIÑOR ku ten tudu puder, bo fortifika bo mon pa kasa di SIÑOR pudi kumpudu.

Mateus 5:12

Bo kontenti, bo jukuta di alegria, pabia garandi pagamentu na pera bos na seu; asin tambi ku anunsiaduris trataduba antis di bos.

Mateus 5:46

Si bo ama son kilis ku ama bos, kal pagamentu ku bo na tene? Nta kobraduris di mpustu ka ta fasi tambi asin?

Mateus 6:1

“Bo libra di fasi bon kusas dianti di jinti pa e oja bos. Si bo fasi asin, bo Pape ku sta na seu ka na paga bos.

Mateus 6:18

De manera, ningin ka ta sibi kuma bu junjuŋa, si i ka son bu Pape ku ka ta ojadu. El, ku ta oja tudu ku fasidu na sigridu, i na pagau.

Mateus 6:4

pa bu simola pudi dadu sukundidu na sigridu, pa bu Pape ku ta oja kusa ku ta fasidu na sigridu pudi bin pagau.

Mateus 6:6

Ma ora ku bu na ora, yentra dentru di bu kuartu, bu fica porta, bu papia ku bu Pape ku ka ta ojadu. Bu Pape ku ta oja kil ku ta fasidu na sigridu i ta bin pagau.

Lukas 6:35

Bo ama bo inimigus, bo fasi ben, bo pista; ka bo pera pagamentu; asin bo ta bin risibi garandi premiu; bo ta sedu fijus di Deus ku sta riba di tudu, pabia el i bon pa kilis ku ingratu i mau.

1 Koríntius 15:58

Asin, ña kiridu ermons, bo sedu firmi; ka bo bulbuli; bo tene sempri vontadi na tarbaju di Siñor, suma ku bo sibi kuma, kusa ku bo fasi pa Siñor i ka amonton.

1 Koríntius 16:13

Bo toma sintidu, bo fika firmi na fe. Bo sedu forti suma omi balenti.

1 Koríntius 3:14

Si kil ku algin kumpu riba di ki alisersu i ka kema na fugu, si dunu ta risibi pagamentu,

1 Koríntius 3:8

Kil ku paranta ku kil ku regua, elis i un son. Kada un na risibi si pagamentu konformi si tarbaju.

Efésius 6:10

Pa kabanta, bo fika mas forti na Siñor pabia di si forti puder.

Kolosensis 3:24

Bo lembra kuma Siñor na paga bos ku ki kusa ki rakada pa si pobu, pabia i Kristu ki Mestre ku bo na sirbi.

Ebreus 10:35

Asin, ka bo bota bo fiansa, pabia i ta tisi garandi purbitu.

Ebreus 6:10

Deus i ka injustu pa diskisi di bo tarbaju, ku amor ku bo mostra pa el, manera ku bo sirbi si pobu, suma ku bo na fasi te gosi.

Josué 1:6

“Sedu forti, bu ten koraẑen, pabia abo ku na fasi e pobu pa e toma tera ku N jurmenta se papes kuma N na da elis.

Josué 1:7

Son pa bu sedu forti, bu sedu koraẑosu; pui sintidu pa fasi konformi tudu lei ku ña servu Moisés dau. Ka bu disvia del, nin pa direita nin pa skerda, pa tudu pudi kuriu diritu na kualker kau ku bu na bai.

Josué 1:9

Nta i ka ami ku dau ja ordi? Sedu forti, bu ten koraẑen. Ka bu fika ku medu nin ka bu panta, pabia SIÑOR bu Deus sta ku bo pa tudu kau ku bu na bai.”

Josué 14:14

Asin Ebron sedu di Kaleb, fiju di Jefoné, kenezeu, suma yardansa, te aos, pabia i firma na sigi SIÑOR Deus di Israel.

2 Jon 1:8

Bo toma sintidu ku bo kabesa, pa ka bo pirdi kil ku no tarbaja pa el, ma pa bo risibi pagamentu kompletu.

Ruti 2:12

SIÑOR na pagau ke ku bu fasi. SIÑOR Deus di Israel, kil ku bu bin buska kau di sukundi bas di si asa, i na pagau tudu ku bu mersi.”