2 Kronikas 14:6 - BIBLIA - traduson antigu in Krioulo

⁶ I torna kumpu ki prasas forti di Judá, suma ku tera staba ketu; ningin ka geria kontra el na ki anus, pabia SIÑOR dal diskansu.

2 Kronikas 14:6 ပူးပေါင်းရင်းမြစ်များ

1 Reis 5:4

Gosi ja, SIÑOR ña Deus dan diskansu na tudu ladu; inimigu ka ten, nin kin ku na bin kontra mi.

1 Kronikas 22:13

Si bu toma sintidu pa kumpri leis ku regras ku SIÑOR da Moisés pa Israel, kusas na kuriu diritu. Sedu forti, bu ten koraẑen; ka bu medi nin ka bu panta.

1 Kronikas 22:9

Bu na padi un fiju ku na sedu omi di diskansu, pabia ami N na dal diskansu di tudu si inimigus na si roda. Si nomi na sedu Salomon; N na da pas ku diskansu pa Israel na dias di si renansa.

2 Kronikas 15:15

Tudu jinti di Judá e kontenti ku ki juramentu, pabia e fasil di tudu se korson; e buska SIÑOR ku tudu se vontadi, e ojal. SIÑOR da elis diskansu na tudu ladu.

2 Kronikas 17:4

ma i buska Deus di si pape, i yanda konformi si mandamentus; i ka fasi kusas ku Israel ta fasiba.

2 Kronikas 20:30

Asin renu di Jeosafá fika susegadu; si Deus dal diskansu na tudu ladu.

2 Kronikas 26:5

I pui sintidu pa buska Deus na tempu di Zakarias, ku nsinalba pa i ntindi kusas di Deus. Nkuantu i na buskaba SIÑOR, Deus pui kusas pa e kuril diritu.

2 Kronikas 31:21

Tudu kuril diritu, pabia ora ki kumsa fasi kualker tarbaju pa sirvis di kasa di Deus, i ta fasil konformi lei ku mandamentus, i ta buska si Deus, i tarbaja ku tudu korson.

2 Kronikas 34:3

Na oitavu anu di si renansa, ocal inda nobu, i kumsa na buska Deus di si pape Davi. Na anu 12 i kumsa purifika Judá ku Jerusalen; i tira kaus altu, ku idulus di Aserá, ku imaẑens labradu ku kilis di metal fundidu.

Jo 34:29

Si i kala, kin ku na kondenal? Si i kubri rostu, kin ku na ojal? Ma el i ten puder riba di un nason, tambi riba di un omi son,

Salmus 46:9

I ta para gera na tudu ladu di mundu; i ta kebra mansasa, i sapa-sapa kañaku, i kema karus na fugu.

Josué 23:1

Manga di tempu pasa disna ku SIÑOR da Israel diskansu di tudu se inimigus na roda; Josué beju ba ja dimas.

Ŝefis 3:11

Asin pas bin ten na tera duranti korenta anu, tok Otniel, fiju di Kenaz, bin muri.

Ŝefis 3:30

Na ki dia, moabitas bin fika bas di Israel. Tera bin ten pas duranti oitenta anu.

Ŝefis 5:31

O SIÑOR, asin ki bon pa tudu bu inimigus muri! Ma kilis ku amau, pa e sedu suma sol ora ki na sai na si forsa. Tera bin ten pas pa korenta anu.