2 Kronikas 14:4 - BIBLIA - traduson antigu in Krioulo

⁴ I da ordi pa pobu di Judá buska SIÑOR, Deus di se papes, pa e obdisi si lei ku mandamentus.

2 Kronikas 14:4 ပူးပေါင်းရင်းမြစ်များ

Kumsada 18:19

N kujil pa i pudi da ordi pa si fijus ku si familia dipus del, pa e yanda na kamiñu di SIÑOR, e fasi kil ki diritu i bon, pa SIÑOR pudi fasi pa Abraon kil ki fala i na fasi.”

2 Kronikas 11:16

Di tudu jorsons di Israel, kilis ku pui sintidu pa buska SIÑOR Deus di Israel e bai pa Jerusalen, pa pursenta sakrifisius pa SIÑOR Deus di se papes.

2 Kronikas 14:3

pabia i tira altaris di deusis di utru teras, ku kaus altu; i kebra kulunas sagradu, i dana idulus di Aserá.

2 Kronikas 14:5

I tira tambi kaus altu ku altaris di nsensu di tudu prasas di Judá. Bas del tera staba susegadu.

2 Kronikas 29:21

E leba seti turu, seti karnel macu, seti karnelsiñu ku seti kabra macu, pa purdon di pekadu di rei ku si familia ku pobu di Judá, tambi pa purifika kau sagradu. Rei da ordi pa saserdotis di jorson di Aron pa e pursenta ki ofertas na altar di SIÑOR.

2 Kronikas 29:27

Ezekias da ordi pa kumsa kema oferta riba di altar. Oca ku ki oferta kumsa na kemadu, jintis kumsa na kanta pa SIÑOR, kumpañadu ku toku di kornetas ku instrumentus di Davi, rei di Israel.

2 Kronikas 29:30

Rei Ezekias ku ŝefis e fala levitas pa e ngaba SIÑOR ku ki palabras di Davi ku di anunsiadur Asaf. Asin e kanta ku kontentamentu pa ngaba Deus, e mpina e adoral.

2 Kronikas 30:12

Deus staba ku jintis di Judá, i da elis un korson son, pa e obdisi ordi ku rei ku ŝefis da konformi palabra di SIÑOR.

2 Kronikas 33:16

I arnoba altar di SIÑOR, i pursenta riba del ofertas di pas ku di gardisimentu. I manda pobu di Judá pa e sirbi SIÑOR, Deus di Israel.

Neemias 13:9

Dipus N manda jinti pa e purifika kuartus, pa e torna pui la ki ekipamentu di kasa di Deus ku ofertas di kumida ku nsensu.

Salmus 119:10

N buskau ku tudu ña korson; ka bu disan disvia di bu mandamentus.

Amos 5:4

Asin ku SIÑOR fala pa pobu di Israel: “Bo buskan, bo ta bibu.

Josué 24:15

Si bo ka konkorda pa sirbi SIÑOR, bo kuji aos kin ku bo dibi di sirbi, si i ki deusis ku bo papes sirbiba na utru ladu di riu, o si i deusis di amoreus ku bo mora propi na se tera. Ma ami ku ña familia, no na sirbi SIÑOR.”

1 Samuel 3:13

N kontal ja kuma N na julga si familia pa sempri pabia di pekadu ki sibiba del. Si fijus na fasi puku di Deus; i ka tuji elis.