2 Kronikas 14:2 - BIBLIA - traduson antigu in Krioulo

² Asa fasi kil ki bon i retu dianti di SIÑOR si Deus,

2 Kronikas 14:2 ပူးပေါင်းရင်းမြစ်များ

1 Reis 15:11

Asa yanda retu dianti di SIÑOR suma si papa Davi.

1 Reis 15:12

I tira ki rapasis di mau vida fora di tera, i kaba ku tudu idulus ku si papes fasiba.

1 Reis 15:14

I ka tira ki kaus sagradu na montis, ma korson di Asa staba retu dianti di SIÑOR pa tudu si vida.

2 Kronikas 14:1

Abias diskansa ku si papes, i nteradu na prasa di Davi. Asa, si fiju, i toma si lugar suma rei. Na si tempu tera diskansa gera duranti des anu.

2 Kronikas 14:3

pabia i tira altaris di deusis di utru teras, ku kaus altu; i kebra kulunas sagradu, i dana idulus di Aserá.

2 Kronikas 15:16

Rei Asa tira Maaka, si dona, pa ka i sedu mas raiña, pabia i kumpu un idulu nujenti pa adora Aserá. Asa dana ki idulu, i kebra-kebral, i kemal lungu di riusiñu di Sedron.

2 Kronikas 17:6

I ntrega si korson pa yanda na kamiñus di SIÑOR, i dana ki kaus altu na Judá, ku ki idulus di Aserá.

2 Kronikas 20:32

I yanda na kamiñu di si pape Asa, i ka disvia del, i fasi kil ki retu dianti di SIÑOR,

2 Kronikas 21:12

I risibi karta ku anunsiadur Elias skirbiba, ku fala: “Asin ku SIÑOR, Deus di bu pape Davi, fala: ‘Bu ka yanda na kamiñus di bu pape Jeosafá, nin di Asa, rei di Judá,

2 Kronikas 31:1

Oca ku tudu kaba ja, israelitas ku staba la e sai pa prasas di Judá, e kebra kulunas sagradu, e tira idulus di Aserá, e bati kaus altu ku altaris na tudu tera di Judá ku Benjamin, suma tambi na tera di Efrain ku Manasés; e dana ki kusas tudu. Dipus, tudu fijus di Israel riba pa se prasas, kada kin pa si kau.

2 Kronikas 31:20

Asin ku Ezekias fasi na tudu Judá. I seduba fiel, i fasi kil ki diritu i bon dianti di SIÑOR si Deus.

2 Kronikas 34:7

i bati altaris, ku idulus di Aserá, ku imaẑens labradu, i kebra-kebra elis, i bidanta elis puera, i padasa-padasa tudu altaris di nsensu na tudu parti di tera di Israel. Dipus i riba pa Jerusalen.

Saida 23:24

Ka bu mpina dianti di se deusis, nin ka bu adora elis; ka bu pratika se kustumus, ma bu na dana elis tudu, bu na kebra tudu se idulus sagradu.

Lukas 1:75

pa no sedu puru i justu si dianti tudu dias di no vida.

Ripitison di Lei 12:3

Bo na durba se altaris, bo kebra se kulunas sagradu, bo kema se idulus di Aserá na fugu, bo bati tambi imaẑens labradu di se deusis, pa se nomi ka comadu mas na ki kau.