2 Kronikas 13:7 - BIBLIA - traduson antigu in Krioulo

⁷ Utru omis malandru ku ka bali e junta ku el, e lanta kontra Reoboan, fiju di Salomon, ocal nobu, i ka tenba inda spiriensia, nin i ka pudiba risisti kontra elis.

2 Kronikas 13:7 ပူးပေါင်းရင်းမြစ်များ

2 Samuel 3:39

Mesmu ku N sedu rei unjidu, N sinti fraku, pabia e omis, fijus di Zeruia, e sedu duru dimas; N ka pudi ku elis. SIÑOR ta paga algin ku ta fasi mal konformi si maldadi.”

1 Reis 21:10

Bo pui dus malandru pa e sinta si dianti, pa e testifika kontra el kuma i papia mal kontra Deus ku rei. Dipus bo lebal fora, bo dal ku pedras tok i muri.”

1 Reis 21:13

Dus malandru yentra, e bai dianti di Nabot, e testifika kontra el dianti di pobu, e fala: “Nabot papia mal kontra Deus ku rei.” Jinti lebal fora di prasa, e dal ku pedras tok i muri.

2 Kronikas 10:16

Oca ku tudu israelitas oja kuma rei ka na sukuta se palabra, e rabida e ruspundil, e punta: “Ke ku no ten ku Davi? Yardansa ka ten pa nos na fiju di Jesé! Omis di Israel, bo bai pa bo kasas! Davi, jubi pa bu propi kasa!” Asin tudu Israel bai pa se kasas.

2 Kronikas 12:13

Rei Reoboan torna mas forti na Jerusalen, i kontinua na rena. I teneba korenta i un anu di idadi oca ki kumsa rena; i rena pa disaseti anu na Jerusalen, prasa ku SIÑOR kuji na metadi di tudu jorsons di Israel pa pui si nomi la. Si mame seduba minjer amonita comadu Naamá.

Jo 30:8

E seduba fijus di dudu ku ka teneba nomi; e serkadu na tera.

Salmus 26:4

N ka ta sinta ku jinti ku ka para na kamiñu, nin N ka ta yanda juntu ku jinti finjidu.

Ditus 12:11

Kil ku labra si con ta bin farta ku kumida, ma kil ku ta kuri tras di ideias bakatela i tulu.

Ditus 28:19

Kil ku ta labra si lugar i na bin farta ku kumida, ma kil ku ta pirdi si tempu na nada i na farta di koitadesa.

Eklesiastis 10:16

Ai di ki tera ku tene mininu suma rei, ku si ŝefis ta mansi pa festa.

Isaias 3:4

N na pui rapasis pa e sedu se ŝefis; mininus na guberna riba delis.

Atus 17:5

Utru judeus ku inci ku nveẑa e toma utru omis mau na metadi di amontons, e junta pobu, e turmenta prasa, e bai pa bai romba kasa di Jason, e buska Paulu ku Silas pa tira elis pa ntrega na tribunal di pobu.

1 Koríntius 14:20

Ermons, ka bo sedu mininus na ntindimentu; bo sedu mininus na fasi mal, ma na ntindimentu bo sedu jinti maduru.

Ripitison di Lei 13:13

e fala kuma omis malvadu lanta na bo metadi, e cuci moraduris di prasa, e fala elis: “Bo bin no bai adora utru deusis” (ku nunka bo ka kunsi),

Titu 1:10

I ten manga delis, rebeldis, ku ta papia palabras amonton pa ngana jinti; purmeru delis i judeus.

Ebreus 5:12

Bo ten tempu di sedu ja pursoris, ma inda bo pirsisa di algin pa torna da bos purmeru nsinamentu di palabra di Deus. Te gosi bo pirsisa di dadu liti, te pa bianda risu.

Ŝefis 11:3

Jeftá kuri di si ermons, i bai mora na tera di Tob. Utru omis ku lebi kabesa e bai junta ku Jeftá, e ta yandaba ku el.

Ŝefis 9:4

E dal setenta mueda di prata di kasa di Baal-Berit. I tomal, i bai mpeta utru omis prigisosu ku lebi kabesa ku bai ku el.

1 Samuel 22:2

Tambi tudu omi ku staba na kansera, o ku teneba dibidas, o ku staba diskontenti, e junta ku el; el i bin sedu se ŝef. E seduba serka di kuatrusentus omi.