2 Kronikas 13:11 - BIBLIA - traduson antigu in Krioulo

¹¹ Kada parmaña ku di tardi e ta pursenta ofertas kemadu, ku nsensu ku ta cera sabi pa SIÑOR; tambi e ta pui pon sagradu riba di mesa puru; tudu dia di tardi e ta sindi lampadas di kanderu di uru. Anos no ta pui sintidu pa obdisi leis di SIÑOR, ma abos bo disal.

2 Kronikas 13:11 ပူးပေါင်းရင်းမြစ်များ

Kumsada 26:5

pabia Abraon ta obinba, i kumpri tudu ña mandadu, ña ordi, ña regra ku ña lei.”

2 Kronikas 13:10

“Ma suma nos, SIÑOR i no Deus; nunka no ka disal. Saserdotis ku ta sirbi dianti di SIÑOR i fijus di Aron; levitas ta juda elis na tarbaju.

2 Kronikas 2:3

Salomon manda rekadu pa Iron, rei di Tiru, i falal: “Suma ku bu ta nogosiaba ku ña pape Davi, bu mandal madera di sedru pa i kumpu si palasiu, bu ta kontinua fasi mesmu kusa ku mi.

2 Kronikas 2:4

Ali N na bai kumpu kasa pa nomi di SIÑOR ña Deus, ku na dedikadu pa el, pa kema nsensu ku ta cera sabi si dianti, pa pursenta pon sagradu na si tempu, pa kema ofertas kada parmaña ku di tardi, na dias di diskansu, na lua nobu ku festivalis di SIÑOR no Deus. Es i ordi ku ka ta kaba ku dadu pa Israel.

2 Kronikas 4:20

kanderus ku se lampadas di uru finu, pa sindi konformi kustumu, dianti di kau mas sagradu di tudu;

Saida 29:38

“Kada dia sin falia bu na sakrifika dus fiju di karnel, di un anu.

Ezekiel 44:15

“Ma saserdotis, fijus di Levi, di jorson di Zadok, ku seduba fiel na ña kau sagradu oca ku fijus di Israel yanda lunju di mi, elis e na ciga pertu di mi pa sirbin; e na firma ña dianti pa pursentan gurdura ku sangi. Asin ku ami, SIÑOR Deus, N fala.

Ezekiel 44:8

Abos propi bo ka kumpri bo dever aserka di ña kusas sagradu, ma bo pui utru jinti na bo lugar pa e toma konta di ña kau sagradu.

Ezekiel 48:11

Es na sedu pa saserdotis separadu na metadi di jorson di Zadok, ku obdisi ña leis, e ka yanda lunju di mi oca ku fijus di Israel disvia, suma ku utru levitas fasi.

Numerus 1:53

Levitas na pui se tendas na roda di tenda di tustumuñu, pa N ka bin paña raiba di tudu fijus di Israel. Levitas i kilis ku nkargadu di guarda tenda di tustumuñu.”

Numerus 16:46

Moisés fala Aron: “Toma bu nsensariu, bu pui fugu di altar nel, bu pui nsensu riba del. Bai dipresa pa juntamentu ku ki nsensu, pa Deus pudi purda elis, pabia raiba di SIÑOR bin pa elis; praga kumsa ja.”

Numerus 16:6

Abo Koré, ku tudu bu sigiduris, asin ku bo na fasi: Bo na toma nsensarius;

Numerus 9:19

Ora ku nuven tarda pa manga di dia riba di tabernakulu, fijus di Israel ta peraba ordi di SIÑOR, e ka ta baiba dianti.

Lukas 1:9

Konformi kustumu di saserdotis i kujidu pa sorti pa i yentra na lugar sagradu di Siñor pa kema nsensu.