2 Kronikas 1:12 - BIBLIA - traduson antigu in Krioulo

¹² asin N na dau jiresa ku kuñisimentu. Tambi N na dau rikesas ku kusas di balur, ku rispitu, ku nin un rei antis di bo ka teneba; dipus di bo, nin un ka na tenel.”

2 Kronikas 1:12 ပူးပေါင်းရင်းမြစ်များ

1 Reis 10:24

Jinti di tudu mundu mistiba bin nunde Salomon pa obi jiresa ku Deus puiba nel.

1 Kronikas 29:12

Rikesa ku gloria bin di bo; i abo ku ta manda riba di tudu. Forsa ku puder sta na bu mon; bu pudi da garandesa ku forsa pa tudu jinti.

1 Kronikas 29:25

SIÑOR garandisi Salomon na uju di tudu Israel, i dal gloria na si renansa, ku nin utru rei na Israel ka teneba antis del.

2 Kronikas 9:22

Rei Salomon teneba mas rikesa ku mas jiresa di ki tudu reis di mundu.

Neemias 13:26

Nta i ka pabia di minjeris stranjeru ku rei Salomon di Israel peka? Na metadi di manga di nason i ka tenba rei suma el. Si Deus amal, i fasil rei riba di tudu Israel, ma minjeris stranjeru pul pa i peka.

Eklesiastis 2:9

N torna garandi, mas di ki tudu kilis ki tenba antis di mi na Jerusalen. Ña jiresa tambi i fika sempri ku mi.

Eklesiastis 5:19

Ora ku Deus da un omi manga di rikesa, ku puder pa kumel, pa i seta si sorti, tambi pa i disidi sta kontenti ku si tarbaju; es i kusa ku Deus dal.

Mateus 6:33

Purmeru kusa, bo buska renu di Deus, bo yanda diritu si dianti; asin, tudu e utru kusas, bo ta bin dadu el.

Efésius 3:20

Gloria pa kil ki kapas di fasi muitu mas ciu di ki tudu kil ku no pidi, o no pensa, konformi puder ku na tarbaja na nos;

Tiagu 1:5

Si un di bos ka sibi ke ki dibi di fasi, pa i pidi Deus jiresa; i ta dadu. Deus ta da tudu jinti ku vontadi; i ka ta nfastia.