2 Koríntius 9:10 - BIBLIA - traduson antigu in Krioulo

¹⁰ Deus ku ta da simentera pa kil ku na sumia, ku pon pa kume, tambi i ta da bos kusa di sumia, i ta buril, tok bo bondadi i ta da manga di frutu ku na riba pa bos.

2 Koríntius 9:10 ပူးပေါင်းရင်းမြစ်များ

Kumsada 47:19

Pabia di ke ku no na muri bu dianti, anos ku no tera? Kumpranu, anos ku no tera, pa kumida. Anos no ta sedu katibu di Faraó. Bu ta ranjanu simentera pa no vivi, pa no ka muri, pa ka tera fika sin ningin.”

Ditus 11:18

Omi mau ta fika nganadu ku si pagamentu, ma kil ku ta sumia bondadi na risibi pagamentu sertu.

Eklesiastis 11:6

Sumia bu simentera parmaña; di tardi ka bu diskansa bu mon, pabia bu ka sibi kal ku na padi, es o kila la, o si tudu dus na bali na mesmu.

Isaias 55:10

Suma ora ku cuba ku nevi kai na seu, i ka ta riba pa la sin regua con, pa pui plantas kirsi, e padi, pa e pudi da simentera pa labradur, ku kumida pa kil ku ta kume,

Oseias 10:12

N fala bos pa bo bai bo labra con ku nunka ka labradu, bo sumia bondadi pa bos, bo kebra frutu di amor, pabia tempu ciga pa buska SIÑOR, tok i bin manda cuba di bondadi riba di bos.

Mateus 6:1

“Bo libra di fasi bon kusas dianti di jinti pa e oja bos. Si bo fasi asin, bo Pape ku sta na seu ka na paga bos.

2 Koríntius 9:12

E tarbaju i ka son pa juda na falta ku pobu di Deus ten, ma tambi i ta darma na manga di gardisimentu pa Deus.

2 Koríntius 9:6

Lembra kuma kil ku sumia puku, i ta oja puku. Kil ku sumia ciu i ta oja tambi ciu.

Gálatas 3:5

Deus ta da bos Spiritu, i ta fasi milagris na bo metadi. I ta fasil pabia bo fasi kil ku lei fala, o pabia bo fia na Bon Noba ku bo obi?

Efésius 5:9

Nunde ku lus sta, tudu bondadi ta nasi, ku kusa justu, ku bardadi.

Filipensis 1:11

Ku puder ku Jesus Kristu ta pui dentru di bos, bo ta mostra ki bon manera di sedu ku ta pui jinti glorifika Deus, pa e ngabal.

Filipensis 4:17

I ka kuma N misti son oferta, ma N misti pa Deus buri bos ngañu pa kil ku bo fasi.

1 Tesalonisensis 3:12

N misti pa Siñor pui bo amor pa i kirsi, i darma un pa utru, i pa tudu jinti, suma tambi ku no amor darma pa bos.

1 Tesalonisensis 4:10

Na bardadi i asin ku bo na fasi ku tudu ermons ku sta na tudu Masedonia, ma no na pidi bos, ermons, pa bo fasi forsa mas inda.