2 Koríntius 8:4 - BIBLIA - traduson antigu in Krioulo

⁴ Di se libri vontadi e pidinu ciu pa no disa elis e ten parti na ajuda pa krentis di Jerusalen.

2 Koríntius 8:4 ပူးပေါင်းရင်းမြစ်များ

Mateus 10:42

Kualker algin ku ciga di da, nin si i un kopu di yagu fresku pa un de mas puku, pabia el i ña disipulu, na bardadi N na konta bos kuma, di nin un manera i ka na pirdi si pagamentu.”

Mateus 12:50

pabia kil ku ta fasi vontadi di ña Pape ku sta na seu, el ki ña ermon macu, ña ermon femia ku ña mame.”

Mateus 25:40

Rei na ruspundi elis: ‘Na bardadi, N na konta bos, kada bias ku bo fasilba pa un de ña ermons mas pikininu, i ami propi ku bo fasil.’

Markus 14:7

Sempri bo na tene koitadis ku bos. Bo pudi juda elis ora ku bo misti, ma ami, i ka sempri ku bo na tenen.

Atus 11:29

Krentis konkorda pa kada un delis da konformi i pudi, pa manda juda ermons na fe ku staba na Judeia.

Atus 16:15

Oca ki batisadu, tudu ku si familia, i pidinu, i fala: “Si bo oja kuma ami i krenti fiel na Siñor, bo ta bai fika na ña kasa.” Asin ki ngodanu; no bai.

Atus 24:17

“Dipus ku N ten anus fora di Jerusalen, N bin pa tisi simolas pa ña pobu, tambi pa da oferta pa Deus.

Romanus 15:31

pa N pudi kapli di kilis na Judeia ki ka krenti, tambi pa krentis na Jerusalen seta e oferta ku N na leba;

1 Koríntius 16:1

Aserka di kusa di oferta pa juda krentis na Jerusalen, bo dibi di fasi suma ku N da ordi pa igreẑas na Galásia.

1 Koríntius 16:15

Ermons, bo kunsi familia di Stéfanas, kuma elis i purmeru konvertidus na Akaia. E ntrega se vida pa sirbi pobu di Deus. N roga bos

2 Koríntius 9:1

Na bardadi i ka pirsis pa N skirbi bos di oferta ku na mandadu pa krentis di Jerusalen,

Gálatas 2:10

E rekumendanu son pa no ba ta lembra di koitadis di igreẑa di judeus. I un kusa ku N buska fasi ku mpeñu.

Gálatas 6:10

Asin, nkuantu no ten manera, no fasi ben pa tudu jinti, ma purmeru pa no familia na fe.

1 Timótiu 5:10

ku kunsidu kuma i ta fasi bon obras; ku kria si fijus diritu, ku ta risibi ospris, ku ta laba pe di pobu di Deus, ku ta sakura kilis ku sta forontadu, ku da si vida pa fasi tudu bon obra.

Ebreus 6:10

Deus i ka injustu pa diskisi di bo tarbaju, ku amor ku bo mostra pa el, manera ku bo sirbi si pobu, suma ku bo na fasi te gosi.