2 Koríntius 7:9 - BIBLIA - traduson antigu in Krioulo

⁹ ma gosi N kontenti; i ka pabia bo fasidu tristi, ma pabia bo tristesa i tisi mudansa di korson. Deus usa ki tristesa; asin kil ku no fasi i ka fasi bos mal.

2 Koríntius 7:9 ပူးပေါင်းရင်းမြစ်များ

Salmus 38:18

N na konfesa ña kulpa; N sta tarpajadu pabia di ña pekadu.

Eklesiastis 7:3

Tristesa i minjor di ki ri; i ta pui rostu tristi, ma tambi i ta fasi ben pa korson.

Zakarias 12:10

“N na darma spiritu di miserikordia ku orason riba di familia di Davi ku moraduris di Jerusalen. E na oja pa ki algin ke fura, e na jimi pa el suma kin ku na cora si uniku fiju; e na cora risu pa el suma kin ku na cora risu pa si purmeru fiju.

Mateus 3:8

Bo mostra na bo manera di yanda kuma na bardadi bo ripindi.

Lukas 15:10

N na konta bos kuma, asin ki ta ten alegria na metadi di anjus di Deus pa un algin di mau nomi ku ripindi.”

Lukas 15:32

ma i bon pa no fasi festa, no kontenti, pabia bu ermon staba mortu, i torna bibu; i pirdiba, i ojadu.’ ”

Lukas 15:7

N na konta bos kuma, asin ki ta ten alegria na seu pa un algin di mau nomi ku ripindi, mas di ki pa noventa i novi jinti justu ku ka pirsisa di ripindi.

Atus 20:21

N splika klaru pa judeus ku gregus kuma e ten ku konverti pa Deus ku fe na no Siñor Jesus.

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

2 Koríntius 2:16

Pa kilis ku na pirdi i suma un ceru fedi ku ta mata, ma pa kilis ku na salba i un purfumu di saudi ku ta da vida. Kin ki kapas pa e tarbaju li?

2 Koríntius 7:8

Nin ku ki karta ku N skirbi bos fasi bos tristi, N ka ripindi di skirbil. N mistiba ripindi oca ku N oja kuma ki karta fasi bos tristi un bokadu,