2 Koríntius 7:4 - BIBLIA - traduson antigu in Krioulo

⁴ N na papia abertamenti ku bos; N ta njata pabia di bos; na tudu no fadiga N sta ku garandi koraẑen; N inci di kontentamentu tok i na darma.

2 Koríntius 7:4 ပူးပေါင်းရင်းမြစ်များ

Atus 5:41

E sai na metadi di Konseliu, kontenti dimas pabia Deus oja elis mersidur di sufri borgoña pabia di nomi di Jesus.

Romanus 5:3

I ka son kila, ma tambi no kontenti na kansera. No sibi kuma kansera ta da firmesa;

1 Koríntius 1:4

Sempri N ta fala ña Deus obrigadu pa bos, suma ki da bos si fabur na Jesus Kristu,

2 Koríntius 1:4

ku ta animanu na tudu kasabi, pa no pudi tambi anima utrus na tudu koldadi kasabi. No ta da utrus ki koraẑen ku anos propi no risibi di Deus.

2 Koríntius 10:8

Nin ku N njata ciu pabia di otridadi ku Siñor dan pa N juda bos (i ka pa dana), N ka na burguñu.

2 Koríntius 11:21

N burguñu fala kuma no fraku dimas! Na kil ku algin ten koraẑen di fala (N na fala suma tulu), ami tambi N ten koraẑen.

2 Koríntius 2:14

No pudi fala Deus obrigadu, el ku ta lebanu suma katibu di vitoria di Kristu. I ta usanu pa no fasil kunsidu na tudu parti suma purfumu ku na spaja,

2 Koríntius 3:12

No papia ku koraẑen pabia no ten e speransa.

2 Koríntius 7:14

N ka fika ku borgoña pabia di kualker kusa bon ku N fala di bos. Kada palabra ku no ta falaba bos i sedu bardadi. Asin tambi, manera ku no ngaba bos dianti di Titu, i proba kuma i bardadi ku no kontal.

2 Koríntius 8:24

Asin bo ta mostra bo amor pa elis, pa tudu igreẑa pudi sibi del; e ta ntindi kuma N tenba roson di ngaba bos.

Filipensis 1:14

Pabia di ña kalabus, mas parti di ermons na Siñor e ten mas animu pa fala palabra di Deus ku koraẑen, sin medu.

Filipensis 1:20

Ña diseẑu fundu ku ña speransa i pa N ka yara, pa N bin ten motivu di fika ku borgoña, ma pa N pudi ten garandi koraẑen gosi, suma pa sempri, pa garandesa di Kristu pudi ojadu klaru na ña kurpu, si i pa vida o si i pa mortu.

Filipensis 1:26

pa ora ku N sta ku bos utru bias, bo pudi ten muitu mas roson di njata na mi na no union ku Kristu Jesus.

Filipensis 2:17

Si kontra ña sangi ten ku darmadu suma oferta riba di bo fe ku sedu suma sakrifisiu pa Deus, N ta kontenti; N ta rapati ña alegria ku bos tudu.

Kolosensis 1:24

N kontenti na ña sufrimentu pa bos, pabia e sufrimentu na ña kurpu i na juda kompleta kil ku falta na fadiga di Kristu pa si kurpu ku sedu igreẑa.

1 Tesalonisensis 2:19

Na fin, kal ki no speransa, o no alegria, o koroa di gloria? Ora ku no Siñor Jesus bin, ku no na firma si dianti, i ka abos

1 Tesalonisensis 2:2

Bo sibi kuma, antis di no bin pa bos, no sufri ciu, no mal-tratadu na Fílipus. Kontudu no tenba garandi luta, no Deus danu koraẑen pa konta bos si Bon Noba.

2 Tesalonisensis 1:4

E ku manda anos propi no ta ngaba bos na igreẑas di Deus, pabia di bo firmesa ku fe na tudu pirsigison ku sufrimentu ku bo ta nguenta.

Filemon 1:7

Ña ermon, bu amor tisin garandi alegria ku konsolason, pabia bu anima korson di pobu di Deus.

Tiagu 1:2

Ña ermons, ora ku bo ten ku pasa manga di koldadi probason, bo fasi di konta kuma bo sortiadu.