2 Koríntius 7:15 - BIBLIA - traduson antigu in Krioulo

¹⁵ Asin si amor pa bos i mas forti inda, manera ki ta lembra di obdiensia di bos tudu, kuma ku bo risibil ku medu, tok bo na tirmi.

2 Koríntius 7:15 ပူးပေါင်းရင်းမြစ်များ

Kumsada 43:30

José sinti tokadu dimas pa si ermon, i buska kau nunde ki na cora; i yentra na un kuartu partikular, i cora la.

1 Reis 3:26

Ma kil ku seduba mame di ki bibu i sinti amor pa si fiju, i fala rei: “Ñu Rei pudi dal mininu bibu; ka bo matal!” Ki utru minjer fala: “I ka na sedu di mi nin di bo; bo rapatil.”

Esdras 10:9

Asin, dentru di tris dia, tudu omis di Judá ku Benjamin e junta na Jerusalen. Na dia 20 di nonu mis, tudu jinti sinta na kintal di kasa di Deus. E na tirmiba pabia di asuntu ku na tratadu, tambi pabia di cuba ku na kaiba ku forsa.

Esdras 9:4

Asin ku N sinta mudu te na ora di sakrifisiu di di tardi, ma utru jinti bin junta ku mi, ku sedu kilis ku sintiba medu di palabras di Deus di Israel, pabia di pekadu di kilis ku riba di katiberasku.

Jo 21:6

Si N pensa ne kusa, N ta fika tarpajadu; ña kurpu ta tirmi ku medu.

Salmus 119:120

Ña kurpu na tirmi ku medu di bo; N ten medu ku rispitu pa bu leis.

Salmus 2:11

Bo sirbi SIÑOR ku rispitu, bo kontenti ma bo tirmi tambi.

Kantiga di Salomon 5:4

Ña amadu miti mon na raca di porta. Ña korson bida i na bati ku amor del.

Isaias 66:2

O i ka ña mon ku kumpu tudu e kusas pa e bin sedu?” Asin ku SIÑOR punta. “Es i omi ku N na jubi pa el: kil ku sedu umildi, kebrantadu na spiritu, ku ta tirmi si i obi ña palabra.

Oseias 13:1

Na ki tempu, ora ku Efrain papia, jinti ta tirmi; i seduba garandi na Israel, ma i bin kumsa adora Baal, i fika kulpadu, i muri.

Bon Noba di Jesus Kristu ku Jon 16:21

Ora ku un minjer sta pa padi, i ta sinti kasabi, pabia si ora ciga, ma dipus di padi mininu, i ka ta lembra ja di kansera ki pasa, pabia di kontentamentu di padi un fiju.

Atus 16:29

Guarda pidi pa tisi lus, i salta pa dentru di kalabus, i na tirmi, i kai dianti di Paulu ku Silas.

1 Koríntius 2:3

Oca N staba ku bos, N staba fraku, N na tirmi ku medu.

2 Koríntius 2:9

N skirbi bos pa N jubi kuma ku bo sufri e proba, si bo ta obdisin na tudu ku N fala.

2 Koríntius 6:12

I ka anos ku fica korson pa bos, ma i abos ku fica bo korson pa nos.

Efésius 6:5

Abos katibus, bo obdisi bo mestres na tera ku rispitu, ku medu, ku korson limpu, suma pa Kristu.

Filipensis 1:8

Deus i ña tustumuña kuma ku N ten garandi diseẑu di bos tudu, ku saudadi fundu ku bin propi di korson di Kristu Jesus.

Filipensis 2:12

Asin, ña amigus ku N ama, suma ku bo obdisin sempri ocan ku bos, gosi ku N ka sta la i mas importanti inda pa bo obdisi. Na rispitu ku medu bo pui bo salbason pa i tarbaja,

Kolosensis 3:12

Bo sedu pobu di Deus; i ama bos, i kuji bos pa bo sedu di sil. Asin bo ten ku bisti un korson di miserikordia, bondadi, umildadi, mansesa ku pasensa.

2 Tesalonisensis 3:14

Si algin ka seta palabra de karta, bo rapara si dunu diritu. Ka bo ten kumitison ku el, pa i pudi burguñu.

1 Jon 3:17

Kin ku sta ben ne mundu, i oja si ermon ku falta, i fica si korson pa el, kuma ki pudi fala kuma amor di Deus sta nel?