2 Koríntius 7:11 - BIBLIA - traduson antigu in Krioulo

¹¹ Bo jubi kuma ku Deus usa e bo tristesa, pa bo toma kusa ku seredadi, pa difindi bo kabesa, bo sinti raiba, ku medu, ku saudadi, ku interes garandi; bo staba pruntu pa kastiga ki mal; na tudu bo mostra sin kulpa ne asuntu.

2 Koríntius 7:11 ပူးပေါင်းရင်းမြစ်များ

Neemias 13:25

N jusia ku ki omis, N maldisua elis, N suta utrus, N rinka elis kabelu, N pui elis pa e jurmenta na nomi di Deus, N fala: “Nunka mas bo ka na da bo fijus femia pa e kasa ku se fijus, nin bo ka na torna toma se fijus femia pa bo fijus, nin pa bos.

Jo 42:6

E ku manda N njuti ña kabesa, N ripindi na reia ku sinsa.”

Salmus 119:139

Ña raiba na yardi na mi, pabia ña inimigus ka ta mporta ku bu palabra.

Salmus 130:6

N na pera SIÑOR ku mas diseẑu di ki guarda ku na pera sol pa i mansi, sin, mas di ki guarda ku na pera sol pa i mansi.

Salmus 145:19

Kilis ku rispital, i ta da elis kusa ke misti, i ta obi elis ora ke na comal, i ta salba elis.

Salmus 2:11

Bo sirbi SIÑOR ku rispitu, bo kontenti ma bo tirmi tambi.

Salmus 35:13

Oca ke staba duenti, ami, ña ropa i seduba saku; N kastiga ña kurpu ku junjun. N ora ku kabesa riba di pitu,

Salmus 38:9

SIÑOR, tudu ña diseẑu sta bu dianti; ña jimi ka sta sukundidu di bo.

Salmus 42:1

Suma ku gazela ta faima pa korentis di yagu, asin ku N ta faima pa bo, o Deus.

Salmus 69:9

Amor pa bu kasa na keman; kilis ku kobau mal, i ta kai riba di mi.

Ditus 14:16

Jiru ta toma sintidu, i jingi di mal, ma tulu ta tene sangi kinti, i ka ta nota pa pirigu.

Ditus 28:14

Sortiadu i omi ku ta rispita SIÑOR sempri, ma kil ku ndurusi si korson na bin kai na mal.

Kantiga di Salomon 8:6

Pun na bu korson, bu fical pa utrus; son ami ku bu na barsa. Amor i forti suma mortu, kumbosadia i duru suma kau di nteru. I ta yardi suma brasas di fugu, suma fugu forti di SIÑOR.

Isaias 26:8

Anos tambi, SIÑOR, no na spera na bo; no sta na kamiñu ku bu leis mostranu. Kusa ku no korson misti i pa lembra di bu nomi.

Isaias 66:2

O i ka ña mon ku kumpu tudu e kusas pa e bin sedu?” Asin ku SIÑOR punta. “Es i omi ku N na jubi pa el: kil ku sedu umildi, kebrantadu na spiritu, ku ta tirmi si i obi ña palabra.

Daniel 6:14

Oca ku rei obi e kusa, i fika ku kasabi garandi, i fasi tudu ki pudi pensa nel pa tenta libra Daniel, tok sol noti.

Markus 3:5

Jesus jubi elis na roda, ku raiba, ma tambi ku tristesa, manera ke risu korson. I fala omi: “Distindi bu mon.” I distindil; i torna san suma ki utru.

Bon Noba di Jesus Kristu ku Jon 2:17

Si disipulus lembra di kusa ku skirbidu na Palabra di Deus, ku fala: “Amor pa bu kasa na keman.”

Atus 17:16

Nkuantu Paulu na peraba elis na Atenas, i fika ku kasabi na spiritu suma ki na oja prasa ku manga di idulu.

Romanus 11:20

I sta bon! E kebradu pabia di se falta di fe. Abo bu sta firmi pabia di bu fe. Ka bu ronka, ma ten medu.

Romanus 14:18

Kin ku na sirbi Kristu asin, Deus ta kontenti ku el; jinti ta setal.

Romanus 3:5

Si manera ku no ta fasi mal i ta mas pui bondadi di Deus raparadu, ke ku no pudi fala? O Deus i injustu nan, ora ki na kastiganu ku raiba? (N na fala suma omi.)

1 Koríntius 12:25

pa ka kurpu sedu divididu, ma pa partis tene mesmu tratu un pa utru.

1 Koríntius 5:2

Bo sta sañadu, nin bo ka fika tristi! Bo dibi di tira na bo metadi kil ku na fasi e kusa.

2 Koríntius 13:7

No na ora Deus pa ka bo fasi nin un mal. I ka pa no parsi kuma no ka raproba, ma i pa bos bo fasi ben, nin ku no parsi suma no raproba.

2 Koríntius 2:6

kastigu ku mas parti di bos dal i justal.

2 Koríntius 6:4

Na tudu ku no ta pasa, no ta mostra kuma no sedu servus di Deus, manera ku no ta sufri ku pasensa na fadiga, na falta, na kasabi.

2 Koríntius 7:1

Ermons ku N ama, suma ku no ten e purmesas, no limpa di tudu susidadi di kurpu ku spiritu, pa no kompleta no santidadi ku rispitu pa Deus.

2 Koríntius 7:7

I ka son suma i bin, ma tambi manera ki danu pasada di kuma bo dal koraẑen. I konta kuma ku bo tene saudadi di mi, bo sta tristi, bo sta pruntu pa toma parti pa mi. Asin N fika inda mas kontenti.

2 Koríntius 7:9

ma gosi N kontenti; i ka pabia bo fasidu tristi, ma pabia bo tristesa i tisi mudansa di korson. Deus usa ki tristesa; asin kil ku no fasi i ka fasi bos mal.

2 Koríntius 9:2

pabia N sibi kuma bo sta pruntu. E ku manda N ngaba bos dianti di jinti di Masedonia; N fala elis kuma jinti di Akaia sta pruntu disna di anu pasadu. Bon vontadi di bos disperta korson di manga delis.

Efésius 4:26

Si bo paña raiba, ka bo disal i leba bos pa pekadu; nin ka bo fika ku raiba tok sol kai.

Efésius 5:11

Ka bo toma parti na obras di sukuru ku ka ten purbitu, ma bo pui ki obras na lus.

Filipensis 2:12

Asin, ña amigus ku N ama, suma ku bo obdisin sempri ocan ku bos, gosi ku N ka sta la i mas importanti inda pa bo obdisi. Na rispitu ku medu bo pui bo salbason pa i tarbaja,

1 Tesalonisensis 4:6

Ne kusa ningin ka dibi di ngana si ermon, nin abusa del, pabia Siñor i vingadur di tudu e kusas, suma ku no konta bos ja, no avisa bos klaru.

1 Timótiu 5:20

Kilis ku na fasi mal, raprindi elis dianti di tudu, pa ki utrus pudi medi.

2 Timótiu 2:15

Fasi forsa pa bu sedu algin ku Deus kontenti ku el, suma un tarbajadur ku ka tene nada ku ta pul burguñu, ku sibi tarbaja diritu ku palabra di bardadi.

Titu 3:8

Es i palabra ku bu pudi fia nel. Konta e kusas ku firmesa, pa tudu kilis ku fia na Deus pui sintidu pa da se tempu pa fasi bon tarbaju. I ka son kuma i bon, ma i di purbitu pa tudu jinti.

Ebreus 4:1

Suma no ten inda purmesa di yentra na si lugar di diskansu, no toma sintidu pa ka nin un di bos bin falia, i pirdi entrada,

Tiagu 3:17

ma jiresa ku bin di riba, purmeru i ta sedu puru, i ta buska pas, i sedu mansu, ntindidu, i ta mostra pena, ku frutu di bon obras; i ka ta fasi skuju, i ka finjidu.

1 Pedru 1:17

Si na orason bo ta coma Pape kil ku ka ta diferensia jinti, ma i ta julga kada kin konformi kusas ki fasi, bo yanda na rispitu pa el tudu tempu ku bo sta suma ospri ne mundu.

1 Pedru 2:2

Bo sedu suma mininu ku kumsa padidu, ku ta faima pa liti. Bo faima pa liti spiritual, puru, pa bo bibil, bo kirsi na vida spiritual.

Judas 1:23

Bo rabata utrus na fugu, bo salba elis. Bo ten pena di utrus, ma ku medu tambi; bo nuju te ropa mancadu ku pekadu ku kurpu ta dija.

Apokalipsi 3:19

N ta raprindi, N ta kastiga tudu jinti ku N ama. Asin, pui garandi sintidu, bu ripindi.