2 Koríntius 6:5 - BIBLIA - traduson antigu in Krioulo

⁵ No sutadu, no prindidu; jinti junta na nos; no tarbaja ciu, utru ora ku fomi, ku falta di sonu.

2 Koríntius 6:5 ပူးပေါင်းရင်းမြစ်များ

1 Reis 22:27

bo fala elis kuma rei fala: ‘Bo fica e omi na kalabus, bo dal son pon ku yagu, tok N riba ku pas.’ ”

2 Kronikas 16:10

Asa paña raiba kontra ki anunsiadur, i manda fical na kalabus, ku pe na tronku, pabia i fika abursidu ku ki palabra. Na ki mesmu tempu i kalka utru jinti ku duresa.

Isaias 53:5

Ma i fura-furadu pabia di no kulpas, i molostadu pabia di no pekadus. Kastigu ku tisinu pas staba riba del; no tene saudi pabia di si pustema.

Jeremias 33:1

SIÑOR bin papia ku Jeremias sugundu bias, oca ki staba inda ficadu na kintal di guarda, i falal:

Jeremias 38:6

Asin e toma Jeremias, e botal na fonti di Malkias, fiju di rei, ku staba na kintal di guarda. E rianta Jeremias ku kordas. I ka tenba yagu na fonti, son lama; Jeremias ntola na lama.

Ezekiel 3:17

“Fiju di omi, N fasiu sintinela pa pobu di Israel. Bu na obi ña palabra, bu na pasanta ña avisus pa elis.

Mateus 14:10

I manda dogola Jon na kalabus.

Mateus 14:3

Erodis prindiba Jon, i maral ku korentis, i fical na kalabus pabia di Erodias, minjer di Filip, ermon di Erodis,

Mateus 9:15

Jesus punta elis: “Nta jinti ku kumbidadu pa festa di kasamenti e pudi fika tristi nkuantu noivu sta ku elis? Ma tempu na ciga ke na tiradu noivu; ki ora e ta bin junjuŋa.

Atus 13:3

E torna junjuŋa, e ora, e pui mon riba delis, e dispidi elis.

Atus 14:19

I bin utru judeus di Antiokia ku Ikóniu ku konvensi ki jinti; e da Paulu ku pedra, e rastal pa fora di prasa, e kuda kuma i muri,

Atus 14:23

Tambi na kada igreẑa e kuji garandis; e ora, e junjuŋa, e ntrega elis na Siñor ke fia nel.

Atus 17:5

Utru judeus ku inci ku nveẑa e toma utru omis mau na metadi di amontons, e junta pobu, e turmenta prasa, e bai pa bai romba kasa di Jason, e buska Paulu ku Silas pa tira elis pa ntrega na tribunal di pobu.

Atus 20:31

Asin, bo bisia, bo lembra kuma tris anu, di dia ku di noti, N ka para konsija kada un di bos ku larma.

Atus 23:10

Jus torna forti dimas, tok kumandanti medi pa ka e sapa-sapa Paulu. I manda coma soldadus pa e bin tiral na se metadi, pa e lebal pa kuartel.

Atus 23:35

i falal: “N na obiu ora ku bu akusaduris bin.” I manda pa e guardal na sedi di palasiu di Erodis.

Atus 24:27

Dus anu pasa. Pórsiu Festu bin fika na konta di Féliŝ. Suma ku Féliŝ mistiba pa judeus kontenti ku el, i disa Paulu prezu.

Atus 26:10

Na bardadi N fasil na Jerusalen. Ku otridadi di ŝefis di saserdoti, N miti manga di pobu di Deus na kalabus. N setaba oca ke na matadu.

Atus 26:29

Paulu falal: “Nin ki mas un bokadu o manga di tempu, N na pidi Deus, i ka son pa Ñu, ma tambi pa tudu kilis ku na obin aos, pa e bida suma mi, menus e korenti li.”

Atus 28:30

Paulu mora dus anu ntidu na ki kasa ki renda; i ta risibi tudu kilis ku bai visital,

Atus 5:18

e paña apostolus, e pui elis na kalabus di pobu,

1 Koríntius 15:10

ma fabur di Deus fasin kil ku N sedu. Deus ka dan e fabur sin purbitu, pabia N tarbaja mas di ki elis tudu. Ma i ka ami; i fabur di Deus ku na tarbaja ku mi.

1 Koríntius 4:11

Te gosi no na sufri fomi ku sedi. No bisti rataju, no bofotiadu, no ka tene kau sertu di mora.

1 Koríntius 7:5

Bo ka dibi di nega vontadi di ŋutru, son si bo konkorda pa lunjusi di ŋutru un bokadu, pa da tempu pa orason. Dipus, bo ta junta mas, pa ka Satanas tenta bos si bo ten falta di disiplina.

2 Koríntius 11:27

N tarbaja ku fadiga, manga di bias sin durmi, ku fomi, ku sedi. N junjuŋa manga di bias; N sufri friu ku falta di ropa.

Efésius 3:1

Pabia di kila, ami Paulu, katibu di Kristu Jesus pabia di bos jintius, N ora Deus.

Ripitison di Lei 25:3

ma i ka pudi dal mas di ki korenta ŝikotiada pabia, si i manda dal mas di ki kila, bu ermon na fika disgrasadu na uju di jinti.

Filipensis 1:13

di manera ku tudu guarda di palasiu, ku tudu utru jinti, sibi kuma N sta prezu pabia di Kristu.

1 Tesalonisensis 2:9

Ermons, N ten sertesa kuma bo lembra di no tarbaju ku fadiga. Oca ku no na konta bos Bon Noba di Deus, no ta tarbajaba di noti ku di dia pa ka no sedu kargu pisadu pa nin un di bos.

1 Timótiu 4:10

kuma pa e fin no tarbaja, no luta, pabia no pui no speransa na Deus bibu, ku sedu Salbadur di tudu jinti, riba di tudu, di kilis ku fia nel.

2 Timótiu 1:8

Asin, ka bu sinti borgoña di testifika di no Siñor, nin di mi ku sta prezu pa amor del, ma toma parti na sufrimentu pabia di Bon Noba konformi Deus danu forsa.

2 Timótiu 2:9

Pabia di konta e Bon Noba ku manda N na sufri, tok N pudu korenti, suma kin ku fasi mal, ma palabra di Deus ka sta maradu.

2 Timótiu 4:5

ma abo, fika kalmu na tudu ku na kontisi, bu sufri kansera, bu fasi tarbaju di un ivanjelista, bu fasi tudu sirvis ku bu comadu pa el.

Ebreus 11:36

Utrus fasidu trosa, e sutadu; utrus pudu korenti, e ficadu na kalabus.

Ebreus 13:17

Bo obdisi bo pastoris, bo suẑeta elis, pabia e ka ta kansa jubi pa bos, suma kin ku ten ku da Deus konta di bo alma. Bo juda elis pa e pudi fasi e tarbaju ku alegria, pa ka e ba ta fasil ku dur di korson, pabia de manera i ka ta bali pa bos.

Ebreus 13:23

N misti pa bo sibi kuma no ermon Timótiu i largadu ja. Si i ciga sedu, N na bai ku el ora ku N na bai visita bos.

Apokalipsi 2:10

Ka bu medi kil ku bu na bin sufri. Diabu na bota utru di bos na kalabus, pa proba bos. Kansera na bin pa bos pa des dia. Fika fiel te na mortu; N ta dau koroa di vida.