2 Koríntius 6:15 - BIBLIA - traduson antigu in Krioulo

¹⁵ Kuma ku Kristu ku Belial pudi fila? O kuma ku krenti pudi junta mon ku kil ki ka krenti?

2 Koríntius 6:15 ပူးပေါင်းရင်းမြစ်များ

1 Reis 18:21

Elias bai ciga pertu di tudu pobu, i punta elis: “Kal dia ku bo na para mankusa na metadi di dus pensamentu? Si i SIÑOR ki Deus, bo bai si tras; si i Baal, bo bai tras del.” Jinti ka ruspundil nin po nin pedra.

Esdras 4:3

Zorobabel, Jesua, ku utru ŝefis di familia di Israel, e fala elis: “I ka bon pa bo junta ku nos pa kumpu kasa pa no Deus. Anos son ku na kumpu kasa pa SIÑOR Deus di Israel, suma ku Siru, rei di Persia, mandanu.”

Markus 16:16

Kin ku seta, i batisadu, i na sedu salbu, ma kil ku ka setal i na kondenadu.

Atus 5:14

Omis ku minjeris na setaba Siñor; numeru na buri kada bias mas.

Atus 8:20

Pedru falal: “Bai ku bu diñeru pa kondenason, pabia bu kuda kuma puder di Deus ta kumpradu ku diñeru.

1 Koríntius 6:6

Ma un ermon ta leba si ermon na justisa dianti di kilis ki ka krentis!

1 Timótiu 5:8

Si algin ka ta trata di si parentis, purmeru kilis ku mas pertu el, i nega si fe; i pior di ki algin ku ka sedu krenti.

1 Pedru 1:21

I pabia del ku bo fia na Deus ku lantandal na metadi di mortus, i dal gloria, pa bo fe ku bo speransa pudi sta na Deus.

Ŝefis 19:22

Oca ke na divirti, omis malvadu di ki prasa da volta di kasa, e na maja porta, e fala omi beju, dunu di kasa: “Tira pa fora ki omi ku yentra na bu kasa, pa no pudi dita ku el.”

Ŝefis 20:13

Bo ntreganu ki omis malvadu ku sta na Jibeá pa no mata elis, pa no pudi tira ki maldadi na Israel.” Fijus di Benjamin ka seta obi se ermons, ku sedu fijus di Israel.

1 Samuel 2:12

Fijus di Eli seduba jinti mau ku ka mportaba nada ku SIÑOR.