2 Koríntius 6:14 - BIBLIA - traduson antigu in Krioulo

¹⁴ Ka bo liga ku kilis ki ka krenti; e ka pudi fila ku bos. Kuma ku ben ku mal pudi junta? Kuma ku lus ku sukuru pudi sta juntu?

2 Koríntius 6:14 ပူးပေါင်းရင်းမြစ်များ

Kumsada 24:3

N misti pa bu jurmenta pa SIÑOR, Deus di seu ku tera, ku bu ka na ranja minjer pa ña fiju na metadi di bajudas di jinti di Kanaan nunde ku N mora,

1 Reis 18:21

Elias bai ciga pertu di tudu pobu, i punta elis: “Kal dia ku bo na para mankusa na metadi di dus pensamentu? Si i SIÑOR ki Deus, bo bai si tras; si i Baal, bo bai tras del.” Jinti ka ruspundil nin po nin pedra.

2 Kronikas 19:2

Anunsiadur Jeu, fiju di Anani, i bai kontra ku rei Jeosafá, i puntal: “I diritu pa bu juda algin mau, bu ama kil ku ten odiu di SIÑOR? Pabia des, raiba di SIÑOR sta riba di bo,

Esdras 10:19

E da se mon pa fala kuma e na dispidi se minjeris; e seta kulpa, e sakrifika un karnel macu di koral pa se kulpa.

Salmus 106:35

ma e bin jagasi ku elis, e nsina se manera.

Salmus 119:63

N sedu kumpañer di tudu kilis ku rispitau; ku ta sigi bu ordis.

Salmus 16:3

Pobu di Deus ku sta na tera e sedu gloriosu; tudu ña kontentamentu i pa sta ku elis.

Saida 34:16

O bu pudi bin toma se bajudas pa e kasa ku bu fijus. Ki minjeris ta bin yanda tras di se deusis, e ta bin pui bu fijus fasi mesmu kusas.

Ditus 22:24

Ka bu sedu sos di algin ku ta pirdi kontrolu, nin ka bu yanda ku algin ku ta lestu di paña raiba,

Ditus 29:27

Justus ka pudi nguenta omi tortu; jinti mau ka pudi nguenta kil ku ta yanda na kamiñu retu.

Sirmonias 19:19

“Bo na sigi ña leis. Ka bu pui dus koldadi limaria pa e padi ku ŋutru. Ka bu sumia mesmu lugar ku dus koldadi simentera. Ka bu bisti ropa tisidu di dus koldadi liña.

Malakias 2:11

Judá sedu infiel; un kusa nujenti fasidu na Israel, suma na Jerusalen, pabia omis di Judá kontamina kau sagradu di SIÑOR ku el i ama, e bai kasa ku minjeris ku ta adora deus strañu.

Malakias 2:15

Nta Deus ka fasi elis un son, na kurpu ku spiritu? Ke ku manda i fasi elis un son? I pa e pudi tene fijus ku sedu di Deus. Asin bo toma sintidu ku bo spiritu; ka ningin sedu infiel pa minjer di si nobresa.

Bon Noba di Jesus Kristu ku Jon 7:7

Jinti di mundu ka pudi nfastia bos, ma ami e ta nfastian, pabia N ta konta elis sempri kuma e ta fasi mal.

Atus 4:23

Logu ke largadu, e bai pa se kumpañeris, e konta tudu ku ŝefis di saserdoti ku garandis fala elis.

1 Koríntius 10:21

Bo ka pudi bibi na kopu di Siñor, bo torna bibi na kopu di dimoniu. Bo ka pudi toma parti na mesa di Siñor, bo torna toma na mesa di dimoniu.

1 Koríntius 15:33

Ka bo ngana bo kabesa. Mau kumpañerasku ta dana bon manera di yanda di algin.

1 Koríntius 5:9

Na utru karta ku N skirbi bos, N fala pa ka bo junta ku kilis ku ta yanda na susidadi.

1 Koríntius 6:6

Ma un ermon ta leba si ermon na justisa dianti di kilis ki ka krentis!

1 Koríntius 7:39

Minjer kasadu i ta sta ligadu ku si omi nkuantu kila bibu, ma si i muri, minjer ta fika libri pa kasa ku kin ki misti, ma son si omi i krenti tambi,

Filipensis 2:15

pa bo pudi sedu puru, inosenti, fijus di Deus sin kulpa, ku na vivi na mundu di jinti mau i tortu. Bo ten ku lampra na se metadi suma strelas ku na numia mundu,

Tiagu 4:4

Abos jinti ku ka fiel pa Deus, bo ka sibi kuma amisadi ku mundu i inimisadi ku Deus? Asin, kil ku misti sedu amigu di mundu i ta bida inimigu di Deus.