2 Koríntius 5:12 - BIBLIA - traduson antigu in Krioulo

¹² I ka suma no na rekumenda no kabesa utru bias pa bos, ma i pa no da bos manera di njata pabia di nos, pa bo tene rasposta pa da kilis ku na ngaba jinti son pabia di parsensa di fora, i ka di dentru.

2 Koríntius 5:12 ပူးပေါင်းရင်းမြစ်များ

Ditus 27:2

Utru ku pudi ngabau, i ka abo ku na ngaba bu kabesa.

2 Koríntius 10:12

No ka osa justanda no kabesa nin komparal ku kilis ku ta yalsa se kabesa. Elis e tulu. E ta ranja se midida; e ta midi se kabesa, pa komparal ku se midida propi.

2 Koríntius 10:18

Kil ku Siñor pensa ben del, el ku ta setadu; i ka kil ku ta ngaba si propi kabesa.

2 Koríntius 10:7

Bo na jubi pa kusas suma ki ta parsi. Si i ten algin la ku fiansa kuma el i di Kristu, pa i pensa utru bias na si kabesa. Suma ki sedu di Kristu, asin tambi ku no sedu.

2 Koríntius 10:8

Nin ku N njata ciu pabia di otridadi ku Siñor dan pa N juda bos (i ka pa dana), N ka na burguñu.

2 Koríntius 12:11

N fasi suma tulu manera ku N ngaba ña kabesa, ma abos ku obrigan pa N fasi asin. Abos ku dibi di ngabanba. Nin ku N ka sedu nada, ma N ka sta mas bas di ki ki bo garandi apostolus!

2 Koríntius 3:1

Nta no ten ku kumsa utru bias ngaba no kabesa? O, suma utru jinti, no pirsisa di karta di rekumendason pa bos, o di bos?

2 Koríntius 6:4

Na tudu ku no ta pasa, no ta mostra kuma no sedu servus di Deus, manera ku no ta sufri ku pasensa na fadiga, na falta, na kasabi.

Filipensis 1:26

pa ora ku N sta ku bos utru bias, bo pudi ten muitu mas roson di njata na mi na no union ku Kristu Jesus.